[جوريتي]

السلام عليكم ورحمة الله وبركاته




وأنا أتصفح في بحور النت أنتقيت لكــم هذه القصيدة لعلها تعجبكم ..





يادنيــا اضحكي مرة أبرسم شكلك الضاحـك
وبسـرح في تفاصيـلك وأدور للشعـر فكــره


علامه صبحك المشرق بدا لي مظلم ٍ حالـك؟
علامه وردك تناسى العذوبة واختفى عطره؟


يادنيــا اكرهي وصالــي لأني اكره وصــالـك
يادنيـــا هانــت بعيني ليــالي وصلك الــمــره


شموسك غيرت لوني مع اني أعشق ظلالــك
ودايم أنطر البسمة بشفاتك وانتي مكـشـــره


وفيت وقلت لك صوني وفايَ وابعدي أنذالــك
وفيت وما لقيت إلا خيانة وصحبــة ٍ قـشــره


يادنيا لو توسط لــك أبوك ِ وعمك ِ وخالـــك ِ
وربي مارضى قلبي عليك و قلــت لــك :بــره


طردتك من وسط بالي لأني أكــره أمــــثالــك
قسيتي قسوة الظالم عليّ وكنت لي نســــره


يادنيا كافي لوعتي ضميري من ردى أفعـــالك
ولكن بالحشر ربي يحاسب خلقــــه عالـــذره


نصيحة صححي وضعك معايا واضبطي حالك
وخلي فرحي يهواني وهمي اكسري ظهــــره


(وداعـــا ً قلـــت ُ للهـَم ِ وليـــل ٍ قد بدا حالـِك )
(وأهلا ً فيك يا فرحي العزيز داخلـــي جمـــره )


(لنـَحيا لحـــظة َالحــُبِّ فقلبــي مغــرم ٌ هالــِـك )
(لنصفـــَـعْ لحظـــة َالهَـــم ِبكف ٍ بالـــغ ٍ شـره )


أحبـــك وإلا ماأحبـــك يادنيــا مو مهم ( ذلــك )
لأنها رحلتـــي ويـــاك فتـــرة والعمـــر فـــتره


لعبتي بقلبـــي الصافـــي بجرحـك لي وإهمـــالك
وقلبي اختلــطت اوراقــه بمـد افراحــك وجـزره


مع اني عارفة أحـــلامي الكبيرة أسفل ترابــك
بيجيــني يــوم وأتوفى وقلبـــي يــُدفـــن بقبره


رجيتك اضحكي مرة أبرسم شكلك الضاحك
بكيد اليوم عــذالي وبشعل فيهم الحـــــــره


بشخبط شخبطة طفلة وببهر عالم رجــالك
وبكتب بالقلم الأحمر رسالة و بهدي القمره


بخلي عالمك يحسد حروفي وأصغر عيالك
يجيني يطلب التوقيع لما أحقق الشهــــره


(يادنيا دارت الدنيا عليك ِ فاعلمـــي ذلـــك )
(أدنتي خافقي يوما ً فصـــرتي للملأ عبره)


وسـلامـتـكـم ..