[غيوم ممطره]

السلام عليكم ورحمة الله وبركاته



الصوت والصوره


ياهيه نفسي على النسيان مجبوره
ماني بناسي ولكن كنت متناسي

لاهاج صدر العتيم وقاد مظهوره
اسري وتتعب ذلولي دون منكاسي

تسري بي افكار ليل(ن) ماظهر نوره
افكار ليل(ن) تروج وردها قاسي

معها غدت قصتي بالحيل مشهوره
والليل ما يرحم التفكير واحساسي

العام واليوم نفس الصوت والصوره
ماطاب جرح الزمان ولا انكسر باسي

اصارع الموج واضرب راس ببحوره
واقول لجل الوفاء لاهنت ياراسي

للحظ دوره بكل نسان له دوره
يمشي على جنب نوب ونوب متواسي

والارض كوره نعم شف لعبة الكوره
الشمس يشرق سناها والمساء ماسي

رايات تضحك على رايات مكسوره
معدومة احساس لاتقاسي ولا اتواسي

ناس(ن) مريضه بحب الذات مغروره
ملبوسهم شح مايركب على قياسي

بي عزة النفس مهما كان مضخوره
لو زودوا بالثمن ما بعت نوامسي

ياهيه ضو القمر لو ماظهر نوره
يبقاء الأمل رايتي والصبر نبراسي.
,,,,,,,,,,,,,,,,,,,,,,,,,,,,,,
للشاعر/ خلف الأسيد الشراري.