[سيدة الذوق]

البارحه ما بين همي والأوراق

جر القلم طاروق حزنً يسليه

واسترسلت أبيات شعري من اعماق
الموقف اللي مر وأزريت أعديه

موعد لقا مبني على نية فراق
كان الأخير وضيق الصدر طاريه

ولاهي غريبه لو أقول الصدر ضاق
لكن الأغرب كيف ما اودعه فيه

كانت دموعه تختنق بين الأحداق
ونظرات عيني تقتله ثم تحييه

كني جلست أعلمه كيف يشتاق
وكنه يعلم شعري شلون يرثيه

شح الزمن بمواصله والمسا ساق
حزن القصايد والعتب والمشاريه

ياليل والله ما ورى ليلك اشراق
النور عانه يسحبه في خطاويه

عشاق قلي ويش أو ليش عشاق
إلا ضحايا وقت مدري شسميه

يقطع سنين العشق يا درب الأشواق
ياليت بيدي شي وأقدر أسويه


:
:
:
محمد جارالله السهلي