[غيوم ممطره]

السلام عليكم ورحمة الله وبركاته



ليش مدري ؟!



ليش مدري ؟! انت بالتحديد ما ودّي تغيب
كثر ما هو مستحيل أحضاك مبغى أخسرك

الجديد ،،، إني أطاوع رغبتي [ميزة و عيب]
و الأكيد !!! إني أدور عذر ،،، يسمح اعذرك

ما سليت و لا نسيت و منهجي منهج عجيب
ان وجدت الضيق زايد صغت جمله تجهرك

ادغم المعنى ؟! عساه يكون [تصبيرة أديب]
بين طيّاته زرع لك شيء مثمر [يصبرك]

وا حسافة وحدتي والصمت والوضع المريب
والمكان الموحش اللي بعد بُعدك ،،، يذكرك

و التمسّك بالخيال اني معك جداً قريب
و انهزام الواقع اصعب شي ممكن ينحرك

اعترف اني و انا في خلوتي صميت غيب
السوالف كلها ؟!... من [أوّلك] لين [آخرك]

كلّ ذاك : و ما اعترفت إني انا فاقد حبيب
خوف تسطى [دمعتك] و تزيد لمعة محجرك.

::::::::::::::::::::::::::::::::::
للشاعر/ محمد آل وافي.