[كلمهالمرور]

السلام عليكم و رحمه الله جميعا

ابي وجه نظركم او تجاربكم او لفتاتكم في موضوع انا اي فتره افكر فيه. الحين كلنا ندري ان المفروض الواحد يلح على ربه بالدعاء و انه المفروض يحسن الظن بربه و المفروض يكون واثق ان الله على كل شي قدير و بعد المفروض يرضى بقسمه الله له.
انا لي فتره ادعي الكريم سيحانه و انا محسنه الظن بربي و ادري ان ما في شي يعجز ربي. و ادعيه انه اذا كان لي يعطيني اياه و يعجل فيه و في الوقت المناسب و على احسن حال. واذا مو مكتوب لي (لحكمه هو ادري مني فيها و مو عشانه عجزان يعطيني اياه سبحانه) انه ينزع الرغبه من قلبي على احسن حال بعد. و انا راضيه بالي يختاره ربي اي في العطاء و لا المنع بس اطلب من ربي ان يعني اني ارضى بالمنع و عان كذا اطلب ان خلاص يشيل الرغبه و الشغف و التفكير في هذا الموضوع (ايا كان) من قلبي و من تفكيري.
ف انا بكل صدق مؤمنه ان ربي قادر على كل شي و ان ربي اصدق الواعدين و ان بما ان دعيته فهو استجاب لي (ادعوني استجب لكم) و راضيه بقسمه ربي. بس انا ما جاني الي ابيه و لا انا الي نسيت عنه او طلع من خاطري. و انا والله ابي ادعي ربي و ادعي يوميا بس كل ما ادعي اتذكر ان الي ابيه مو عندي و يضيق صدري زياده و لاني ادري ان ربي قادر ما يعجزه شي اقول يمكن مو مكتوب لي لحكمه ربي ادرى فيها بس ان لسه الشي بخاطري و لو ان داعيه ربي ان لو هو مو مكتوب لي يعيني انه بانه يطيب خاطري منه.
و ما ابي اوقف دعاء لان ربي قالنا نلح بس مع كثره الالحاح وعدم الاحساس بالعطاء او زوال الرغبه لمنع ربي هذا الشيء عني عان مصلحه هو ادرى فيها مني احس ان يضيق صدري زود. لاني جالسه ادعي و الله و انا على تمام اليقين ان ربي قادر و ما ربي طلب مننا الصبر بدون شكوى و ان تكون نجانا بيننا و بينه ف ما ابي اشتكي حال لغير ربي بس ان ما ادري ايش اسوي جالسه احاول والله بس من جد ما ادري ايش اسوي.
و الحمد لله على كل نعمه ما ودي اكون مركزه على الي ابيه و مو عندي بس. و الله ربي منعم علي باشياء كثير اللهم لك الحمد و انا شاكره لكل نعمه الي اعرفها و الي ما اعرفها بس انا بعد طماعه بزياده من فضل الكريم.
فهل اوقف دعاء بالشي الي ابيه عان ما يضيق صري و اذكر نفسي انه مو عندي كل مره ابيه؟ و ارضى ان يمكن ربي مو كاتبه لي؟ و لا اكمل؟ طيب و ضيقه الصدر. و تراني استغفر ربي كل ما ذكرت لان كل اقرى ان الاستغفار من مفاتيح الفرح.
ما ادري...شوروا علي الله يعفيكم. الي عنده نصيحه و لا تجربه. و طلبتكم دعوه في هذا الشهر الفضيل.
و الله يغفرلنا و لحبايبنا كلنا و يهب لنا امانينا في اسرع وقت و على احسن حال و يبارك لنا فيها


و لكم مني جزيل الشكر و الامتنان علو توجيهاتكم و مدخلاتكم مقدما.