[حروف القوافي]

إي والله انّي آخافك وآمنك وانّي
احبك .. من اول الدنيا لا آخرها

قل للزمن يبتعد لا يبعدك عنّي ،
وقل للمشاوير توقف لا نسافرها !

وانقذني ارجوك من تفكيري وظنّي ،
تعبت اكبر وساويسي واصغرها

اجيك مرهق ومتضايق ومتعنّي ،
واروح ودموع عيني عنك ساترها

ودّي اعلمك بـ همومي ولكنّي
اخاف اعلمك فيها .. ما تقدّرها !

وانا حياوي وطبعي من صغر سنّي ،
افارق الناس .. قبل اجرح مشاعرها !

آحس باحساس تعبّني وجننّي ،
ليت الاحاسيس تتصوّر واصورها

ودّي تشوف بعيونك كيف تحزنّي ،
فكرة : لو تصير ذكرى واتذكّرها !

خذني على قد تفكيري وطمنّي ،
واحلف وكثّر من حلوفك وكررها !

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟


يمكنّي اخاف لا اخذها ويمكنّي :
ضيّعتها من يدي عشان ادورها !



قصيدة الشاعر / محمد جار الله السهلي
~