[غيوم ممطره]

السلام عليكم ورحمة الله وبركاته


ما يفضح إللي يحب إلا آخر اللحظات


ما يفضح إللي يحب إلا آخر اللحظات
لامت كفه بالوداع..وصد بعيونه

معاه رايات الأسى وجيشً من العبرات
وبين الحنايا صهيل خيول محزونه

سلام يا إللي ناوي الفرقى عدد ما فات
وتعداد ما مر السحاب وهلت مزونه

سلام من قلب سكنته أنت والحسرات
غلاي تكفى يا مودع ناظري صونه

أرحل وأنا برحل..معي هم وتعب وسكات
وأسرار ما بيني وبين الروح مدفونه

ارحل ما دام الله كتب لك يا الحبيب بشتات
ما ني على حكم القدر راين ولا مونه

مالي بعدك إلا الصبر ومجاذب الونات
وقصيدي يا إللي كل خلق الله يغنونه

إن طالت الغيبه ابي انعي الحب لو ما مات
عسى الهوى بك يشتعل وتردك ظنونه

وبحاول انسى ولو يصيح بي الشوق هيهات
وبحاول اسلى ولو يصيح القلب ما خونه .



راقت لي.