[شمس نجد]

ويش اسوي لاطريق ولا خوي

.......... لاقـــرار ولا خيــــار ولا مصـــير

الليالي تلــوي ذراعــي لـــوي

.......... والرفيق السيف يغريه الجفــير

والضياع بسكتي يـدوي دوي

.......... اتصفق لاسراب ولاغديــر

اطوي الظلماوعيت تنطوي

.......... واشتهيت الشوف بعيون الضرير

مثل طير طاح بيدين بدوي

.......... يلعن الطيحه ولا يقوى المطير

كل يوم اقول باكر تستوي

.......... وخاب ظني بالزمان وبالنصير

كنت انا الصدر الحنون المحتوي

.......... وكنت أنا لاحساسهم سلك الحرير

وصرت أنا هاك النحيل المنطوي

.......... تلهث أنفاسي ورا حلم كبير

ضاعت الحيلات حيل الله قوي

.......... لاني الأول ولا اظن الأخير

قلت باصرخ وآخر علاجي كوي

.......... وصلت الحلقوم والخاطر كسير

من شرب من كف غيره ماروي

.......... لعنبو كف على المده قصير

لاتعاتب ويش اسوي ياخوي

.......... لاقرار ولا خيار ولا مصير


مساعد الرشيدي