[haneen26]

ربي يجزاك الجنه
رايت رؤيا امس بعد ما رقيت نفسي وكنت متعبه مره وصحيت نص الليل بخوف كبير وكان احد حولي وسمعت اصوات اطفال وبقيت صاحيه الى اذان الفجر
................
رايت اني كنت في غرفه كبيره وكان قدامي صفوف من الشيوخ جالسين على الارض وكان بجنب كل واحد فراش وكنت اشوف بعضهم فيه مرضى
فشفت اني رحت لبعض الشيوخ وكان كان معي امي واخوي .... كنت احس فيهم موجودين فقط .... فكنت اسمع كل شيخ يقول وكانه يقول لاهلي هي مسحوره بس كان كل واحد يذكر سبب السحر غير
فجاء اخر واحد وهو يناظر لاهلي وياشر علي فيها سحر معقود او عقد وكانه جاء ببالي لماذكره خيط رفيع وفيه عقد صغار وكنت اشوف بينت مره مريضه منسدحه على فراش جنبه لابسه عبايتها ومتغطيه وعليها بطانيه مغطيه نصف جسمها وكان الشيخ جالس عند راسها
فذهبت وجلست قدامه وكنت عشان يرقيني فشفت نفسي صرت قدام البنت فطلب الشيخ من البنت انها تجلس فجلست متعبه فانرفع الغطا عن وجهها فشفتها جميله فحزنت وكنت اقول في نفسي وش فايده الجمال والواحد مريض فشفت الشيخ رجع الغطا على وجهها وحط يده على راسها وبدا يقرا
فحسيت بخوف شديد فرجعت وبعت عنه وكنت خايفه فناظر فيني وعرف اني تاثرت فمسكني من اسفل ثوبي وسحبني ورجعني
فحط يده على راسها مره ثانيه فخفت مره ثانيه وبعدت فسحبني ورجعني فرجع وحط يده على راسها وقرا فخفت خوف شديد وبعدت مسافه اكبر من قبل وبقيت بعيده فصار يكتب كلام في ورقه وكنت خايفه خوف شديد وكاني شفت طفل صغير صار جنبي وبعدها شفت اني في مكان واسع وناس كثيره مجتمعه فسمعت واحد يتكلم بالمكرفون ويقول نشكر كل اللي جاء في حنازه ابراهيم اخو محمد وكنت جزينه كثير انه مات واقول في نفسي كيف حات اهله الحين وصحيت
كنت احس بكانه موجود حولي وكنت خايفه ارجع انام وارى احلام مزعجه ... وحسيت بشي صغير لما صحيت في حلقي بقى مده ومع البلع حسيت انه رجع داخل
ماني متاكده اذا هو بسبب الرقيه او من شي بداخلي ...