[سبحانك ربي-]

السلام عليكم ورحمة الله وبركاته !
الله يسعدك ويجزاكم خير ويرزقكم الجنه ! أبغى حل لحالتي الصعبه حاسه اني راح انجنّ منها ..!


انا إنسانه قلقه ع المستقبل بشكل مبالغ فيه ابالغ بكل شي اذا حقدت على احد أحقد عليه بقوه واذا حبيته ااحترمه وأقدره ومااثق فيه مااثق بأحد حتى بأمي ..إنسانه كتومه لأبعد الحدود مااحب احد يعرف أسراري منغلقه ع نفسي وحبيسة أفكاري اوسوس بكل شي
تعبت من حالتي هذي وقررت التجأ الى الله صرت أحافظ ع صلواتي وادمنت ع الاستغفار اعتبرته الاكسجين بالنسبه لي مـآقدر اعيش من دونه المهم بعدين حلمت حلم اني امشط شعري وطاحت منه بقرتين صغار وفٌسّرلي الحلم بقراءه الرقيه وسورة البقره ..قبل الرقيه كنت إنسانه طبيعيه واستغفر كثير وبحماس ووكلت امري لله اول كنت اعتمد ع نفسي من دون توكل وكلت امري لله ومع الاستغفار والمحافظه ع الصلاه كل شي كان تمام حتى بعد الحلم اللي حلمته ! كنت احس بشي غريب سعاَده مع ضيق ماادري كيف يعني يوم مبسوطه ويوم كئيبه وفكرت اني اقرا سورة البقره والرقيه بعد ماقريت سورة البقره خلال الأسبوعين هذي مااستمر عليها بس تقريبا مداومه عليها صفحتين ثلاث صفحات وهكذا اقرا وانفث ع صدري وامسح ع جسمي واركز ع الرأس
فجأه انقلب حالي تجيني أفكار غريبه افكر بكل شي حولي كل شي افكر كيف شكل الله وكيف خلق هذا الشي وكيف سوى كذا وكيف يرزق الناس افكر بكل شي يعني ابغى افهم كيف خلق الله الكون وأقول بنفسي ليش ربي خلقني (استغفر الله اعوذبالله من أفكاري ) اقول ليش ربي ماخلقني شي ثاني "استغفرالله " واذا جيت ادعي ربي ابطّل ماادعيّ اجلس افكر يعني ربي يقدر يرزقني بالشي اللي اتمنى كيف يرزقني ويرزق كل شي ع وجه الارض واجلس افكر كثير بهذا الشي لما اروح دورة المياه الله يكرمكم افكر كثير " يعني احيانا اخذ شوية وقت وهو كله تفكير افكر ع الأكل عند النوم وانا ماسكه جوالي افكر ليش ربي سوى هذا الشي كذا ليش ماسواه كذا وأفكار ماهي طبيعيه خايفه انجّن منها كارهه نفسي و ًكارهه العالم وكارهه الحياه حتى تجي ف بالي أفكار انو عادي الانسان ينتحر مع اني إنسانه طبيعيه الحمدلله ماني مصدقه كيف وصلت لهذي الحاله وخلال اسبوعين ؟! أفكار جنونيه لأبعد الحدود كل شي افكر فيه كل شي حاسه بضيق شديد واحيانا كتمه
حاسه بصداع من كثرة الأفكار !
وجاتني عصبيه مو طبيعيه مااحب احد عكس اول بكثير ماني مصدقه اول احس بضيق وحاسه اني ماني مبسوطه بالحياه ! بس عايشه الحمدلله بعد الرقيه انقلب حالي !
لو بيدي بدّلت عقلي وقلبي من التعب !
كل شي حولي زي اول الفرق أفكاري تغيرت وحسيت اني غريبه بهذا العالم حتى لما أجي بدعي واستغفر اترك هذا الشي
أتسأل بيني وبين نفسي هل للشيطان سيطره ع عقل الانسان ؟؟ يعني انا حاليا حاسه بغربه وانا بين اهليّ ! ماني قادره اتحمل هذا الوضع ! ضيق وأفكار غريبه
اقول لنفسي انو الكل يفكر زي تفكيري ! حاسه بإحباط ويأس ولما اصحى من النوم ابغى اطلع كل اللي بقلبي باللي حولي ! وبنفس الوقت كأتمه بقلبي هذا الشي ماابغى احد يحّن عليّ ماابغى اضعف قدام احد لاني كنت قويه وبنفس الوقت ماابغى التجأ لربي خايفه خايفه تزيد حالتي لما التجأ لربي اجلس افكر فيه واتخيل شكل الله وأفكر مين خلق الله ! عايشه بحاله صعبه جداً ع الأقل ابغى ابكي يمكن ارتاح ! بس ماني قادره ماابغى احس بالانكسار قدام احد ابغى شي واحد أتخلص من أفكاري ! وحزينه لان الشي هذا صارلي بالوقت اللي اعتمدت على الله ووكلت امري له ! وكنت استغفر كثير حاليا بس أبغى افهم كل شي واسئله كثيره بعقلي ! اعرف انو لو اجتمعت الانس والجن بعلمأؤهم ماراح يجابوا على شي منها ! واعرف انو كل اللي صارلي بسبب !الشيطان الله يلعنه ! بس ماني قادره أتخلص من أفكاري !
احيانا أوقف بزاويه وأفكر
ماني مصدقه كل هذا بعد سورة البقره >> خايفه تسوء الحاله اكثر وبنفس الوقت ماابغى اشكي لاحد حتى ربي ولما أجي ادعي أوقف شوي ! وأفكر وأقول ممكن مستحيل طلبي ممكن وممكن الين مااقف كنت أوقت جوالي ع س 5 أقوم واصلي الوتر واستغفر الين مايأدن الفجر ! حاليا كل هذا راح وضعي حاليا افكر كثير كثير كثير كثير بقدره الله ووحدانيته ! مو من باب التأمل >من باب الشك !
خايفه كثير كثير من أفكاري اعرف انها من الشيطان بس كيف أتخلص منها > ضيق وساوس وأفكار فضيعه أشغلت نفسي فيها بشكل مو طبيعي !
الحاله الاجتماعية !غير متزوجه عمري 25 الحمدلله عايشه بصحه وعافيه ونعمه وبين اهليّ واحبابي وكل حياتي كانت تمام وكونت صداقات وكل اللي اتعرفت عليهم ناس أخلاق وكل شي بحياتي تمام الحمدلله ! الا هذي الحاله اللي جاتني
حتى عندي شك انو حالتي ميئوس منها ! لا الدعاء والاستغفار ولا سورة البقره تنفع !!