[وفااا]

( أصعب سؤال ) اللي جوابـه للأسـف مثلـه ( سـؤال=) !!ما هو تفلسف !! إلا موقف صار واسمع " ثاني بيت" :
البارحـة يومـه سـأل : ( وش ذكـرك ذيـك الليـال ؟=( كان الجواب بكل بساطه : ( من متى أصلا نسيـت ؟ )
أدري بأن جمع ( الصعوبة والبساطـة ) شـي محـال !!=لكنها صارت كـذا ! واللـي (( أهـم )) إنـي دريـت :
إن الحـيـاة فبـعـد أحبـابـك إذا جــف الـوصـال=أتعيشها لو تقتنـع انـك خـلاص أصبحـت ( ميـت !!)
يـا صاحبـي لـو كـل شـي يمـر بالخاطـر يـقـال=مـا كانـت العبـرة تولجنـي اليامـنـك طـريـت ؟!
شفني قدرت أحبس دموعي بس ( دمـع القـاف ) سـال=ويا كبرهـا ساكـت ولكـن داخـل أوراقـي بكيـت !!
عمر الحكـي مـا كـان دافـي لاابتـدى بقولـة تعـال=لجـل أتجاهـل رجفـة حروفـي اليامنـي حكـيـت ..
الحـال فـي بعـدك قسـم بالله مـا أسمـيـه حــال=أنوي على الضحكة وأحس كلي خطـا لأنـي نويـت ؟!
أتصـور انـك مـن رحلـت أشوفـك لجسمـي ظـلال=لا شفته امشي ببتعـد وأثـره معـي مهمـا مشيـت !!
مـدام يعنـي فـي بحـرك لفرحتـي ملـيـون جــال=وش فيه موجك ما ركد ؟ قربت أمـوت ومـا رسيـت ..
يرضيـك مـا عـادت معـي تفـرق إذا جالـك مجـال=لأني اقتنعت انـك نهايـة وانـي ببطـي مـا بديـت !!
صرت ( اعقد حجاجـي ) إذا جابـوك بأطـراف الجـدال=وأنا قبل لا قالوا إسمـك كنـي : ميـت ثـم حييـت ..
تعبـت أعيـش الـدور وافتـح للمعـاذيـر الخـيـال=وأتخيـل إنـي جيـت فـي بالـك وبأنـك استحيـت ..
وتردلي كلك (( وله )) وتقول : ( كـن البعـد طـال ؟ )=ومن الفرح ما عاتبـك وأقـول : ( ياخـي مابغيـت ! )
حتـى وأنـا أتخيـل حشمتـك ! لـن قلبـي لا يــزال=يكـرر اسمـك داخـل أعماقـي بنبضـه لا سهيـت ..
قلـي شسـوي فيـك ؟ وانـت بداخلـي اصـدق مثـال=للحب وإحساس القصيـد إن عانـق الليـل وسريـت ..
ربـي يصبرنـي علـى الفرقـا مـدام الـحـظ مــال=وانت بيجيلك يوم تعـرف ليـه فـي بعـدك شكيـت ..
وإذا بـلاك الله وعذبـك اشتياقـك (( بـس تـعـال ))=واقرى القصايد في غيابـك كلبوهـا بيـت ... بيـت ..
بتدرى إن ( أصعب سؤال ) اللـي يجـي رده ( سـؤال )=لا قلتلي ( وش ذكرك ؟ ) ثم قلتلـك ( متـى نسيـت ؟ )