[وفااا]

.
.[msg]اللهـــم صــلي علـى محمـد عــدد مـا ذكـره الذاكـــرون وغفــل عن ذكـره الغـافلــون[/msg]
.

أمــانه يالشتاء ..دامك قريب ولك بصدري باب=رفض كل الفصول ولا رضى غير انت (مفتاحه)
أمــانه دامني ماني على خبرك (دفا واحباب )=تريث ..لين أشب اللي بقى من كلمة الراحه
مدام ان الجفــأ ليله طويل ..وليلك انت رحاب=لقى وجه السهر فيها..زراق الدمع مصباحه
دخيلك والظما..يجتاحني ..لا لاحوا الغيّـــاب =وأخاف اسقيك من حزن الظما وتموت بجراحه
دخيلك ..هدني للريــــح ...لامن ضاقت الاسباب=عساي القى لقــلبي مع مهب الريح ذباحه
تعب ..صوت الجروح اللي ملى هذا المكان عتــاب =تعب كف القصيد ..ولابقى من هم ماباحه!!
وانا ياصاحبي ..من شفتني ..في دمعتي ..كــذاب!=دريت انك بعيد أبعد من الخفاق لأ فراحه
وأمانه يالشتاء ..دامك على حزني تهج ابواب !!=تريث لين أعيش اللي بقى من كلمة الراحه !!

.
.
.
محمد الحويماني العتيبي
.
.