[الله اكبر سبحانه]

ماشاء الله لا قوة إلا بالله



اخواتي انا راح ادخل بالموضوع على طول.
اكيد كل واحدة منا تبي لها شي يتحقق إما وظيفة أو زواج أو ذرية أو شفاء أو عندها مشكلة أو أي شي ..
المهم هذي تجربتي من 7 سنوات تقريبا وانا ابي امنيتي تتحقق وكل يوم ادعي ربي ولكن الله ماحقق مرادي وانا ما انقص من قيمة الدعاء لا والله لكن انا ماعملت بأسباب الدعاء اللي اهمها الإقلاع عن المعاصي والتوبة لله عز وجل ..

المهم سبحان الله جا في بالي فكرة الإستغفار وقمت استغفر كثير لكن الإستغفار اللي كنت استغفرة كان عشان ربي يحقق امنيتي وكنت اكثر منه <<< تقدرون تقولون إني ماكنت اركز بالمعنى بس همي العدد يكون كثير ..

استمريت كذا فترة تقريبا 6 او 7 شهور وانا على هالحال ..
وربي ماحقق مرادي

مثل ما قلت قبل كذا تقريبا 7 سنوات على هالحال ..
حتى ربي اراني رؤياا قبل اسبوعين وهو اني على طريق طوووووووويل يودي لمكة وكنت امشي فيه رايحة للحرم
لكن وقفني اخوي بنص الطريق وقالي تعالي اطرقي هالباب
قلت أي باب؟
قال باب اذا طرقتيه يوصلك لمكة على طول بدل هالطريق الطويل
قلت له طيب وشو هالباب..؟
قال هذا باب ادم عليه السلام
قمت فكيته وشفت الحرم المكي على طول قلت فعلا طريق مختصر .. وصحيت على طول
انا شوي استغربت من الحلم وقلت لازم اشوف وش معنى باب ادم عليه السلام
لما فسرت الحلم طلع ان باب ادم عليه السلام هو دعاء ادم اللي كان يدعوه عشان الله يتوب عليه
اللي في قوله تعالى
فتلقى آدم من ربه كلمات فتاب عليه إنه هو التواب الرحيم قيل : إن هذه الكلمات مفسرة بقوله تعالى : ( قالا ربنا ظلمنا أنفسنا وإن لم تغفر لنا وترحمنا لنكونن من الخاسرين)..
عرفت بعدها أن ذنوبي هي الحائل في إجابة الدعاء
صرت اعدل المنبه حق الجوال اخر الليل لمدة ساعة كاملة استغفر الله بهذا الدعاء واستغفر الله بصيغ اخرى بنية ربي يغفر ذنوبي كلها واللي تحجب اجابة الدعاء لين يدق المنبه <<< ماعرف عدد الإستغفار اهم شي انه لمدة ساعة كاملة اخر الليل
.ولما اخلص اصلي الوتر وأدعو بالسجود بكل شي من خيري الدنيا والأخرة وأن ربي يحقق مرادي
على هالحال لكن قسم بربي أن مامر اسبوع إلا والفرج نزل علي سبحاااااااااااااان الله
شي عجيب اقسم بالله فالبداية ماصدقت نفسي
.لكن الله افرجها علي يارب لك الحمد ولك الشكر
جربوها والله ماتندمون راح يتحقق كل شي تبونه بإذن الله تعالى
بس اهم شي حسن الظن بالله وعدم الإستعجااااااااااااال هذي اهم شي لا تستعجلون واصلا مع هالتجربة بتحسون براحة نفسية عجيبة وبتتحسن احوالكم بإذن الله
حبيت الكل يستفيد ولا تنسوني من دعوااااااااتكم الله يوفق الجميع يارب
مااااشاء الله لا قوة إلا بالله






.............................. .............................. ............
.............................. .............................. ............
.............................. .............................. ............
.............................. .............................. ............





تصدقين عاد إني قبل فترة أستغفر باليوم يمكن 100 أو أكثر شوي بس وأنا لوحدي وماشاء الله كل شيء بحياتي تماااام

بعدها صار عندي ظروف وانشغلت صرت ماافضى أجلس لوحدي واستغفر قلت بدال ماني جالسه مع الناس

استغفر وسبحان الله أحس اني ماكأني اقول شيء وأستغفر أكثر من الف مره لكن أموري مو مثل أول سبحان الله

حضور القلب مهم جداااااااااااااااااا

الله يجعل عملنا خالصاً لوجهه
شفت أوضاعي مو تمام وقلت يمكن لأني استغفر بدون قلب
الله لايشغلنا إلا بذكره اللهم إنزع حب الدنيا من قلبي يااااااااااااحي وياقيوم






.............................. .............................. ............
.............................. .............................. ............
.............................. .............................. ............
.............................. .............................. ............







قصة فتاة مع اختبار مادة بالجامعة

قصتي الثانيه مع الدعاء مستحييييييييييييل انسااااها لان موضوعها تعبني نفسيا

يوم كنت بالكليه مستوى ثالث وانا تخصصي رياضيات وكان عندي مادة صعبه

ودكتورتها اصعب واصعب دكتوره مخضرمه يعني خبره بالاحصاء والاحتمالات المهم

يوم الاختبار النهائي جاتني بنت اختي وكانت معي بنفس المستوى والتخصص


وجلسنا نذاكر من يوم الاربعاء والخميس والجمعه كنا ع اشد الاجتهااااد من كثر

ماكنا خايفات من صعوبة الاسئله والله نسهر ونذاكر واجواااء صعبه حتى النوم

والله العظيم مانهناه ننام قرب الفجر ونصحى قبل الظهر وننزل بالبيت ونطلع شوي بالسطح

ماخلينا مكان بالبيت الا وذاكرنا فيه من كثر التوتر والخوف والنفسيه تحت

المهم ختمت المادة يوم الجمعه بعد صلاة اتوقع العصر وقلت خلاص اريح لين العشا

وبعدين ابدا اراجع واروح الكليه مواصله مو مشكله اهم شي اعدي هالماده ع خير

وبنت اختي مازالت تذاكر الى بعد العشاء وجوا اهلها واخذوها وهي باقي ماختمت

المهم ماجت الساعه 10 الا وهي الحمدلله مختمه ....يعني ماتركنا شي الا وذاكرناه

ورحنا الاختبار ....وياعيني ع الاختبار

اقسم بالله العظي يوم ماراح انساااه

اول سؤال كان اكملي الفراغ وربع صفحه وحليت

ثاني سؤال ....؟؟؟

ثالث سؤال ....؟؟؟

رابع سؤال ....؟؟؟؟

خاس سؤال .....؟؟؟؟

اقسم بالله بغيت انجن وقتها ولاسؤال من اللي ذاكرته كلها اسئله خااااارجيه

وفيها افكار ذكاء ....والله ماعرفت وش اسوي

قريت اية الكرسي وبديت احل اللي ربي يقدرني عليه واطلع اجابات بالآله الحاسبه

تفجع ارقااام خياليه وشكلها غلط مليووووون في الميه وحليت وحليت وحليت

وكلي ثقه انها كوووووووووووولها غلط بغلط واستغفرت الله ودعيت الله وقلت

(( يااااربي انت اعلم مابنفسي مني ....ياربي ياعالم الغيب والشهاده انت عالم

بأني ذاكرت واجتهدت وماتركت شي بالمادة الا وذاكرته ...ياودود ياودو ياودود

ياذا العرش المجيد ...أسألك بعزك اللي لايرام وبملكك اللذي لايضام وبنور

وجهك اللذي ملأ اركان عرشك ....ياااااااااااامغيث اغثني يامغيث اغثني

يامغيث اغثني وخلصت الحل والورقه طبعا كل الارقام فيها تسد النفس

اخترعت طبعا بس حاولت اسمي حاااولت مستحيل اضيع اللي ذاكرته ذيك الليالي

المهم وقفلت الورقه بعد ماراجعتها ...وقريت عليه ....يمكن تستغربون

لكن اقسم بالله العلي العظيم اني قريت على الورقه وقلت عند كل سؤال اجابته خطأ

( وجعلنا من بين ايديهم سدا ومن خلفهم سدا فأغشيناهم فهم لايبصرون )

وقفلت الورقه وقلت نفس الدعاء


ويوم سلمت الورقه قلت ( استودعتك الله الذي لا تضيع ودائعه ) 3 مرات

واستغفرت الله واولكلت امري لله

المهم ماكنت خايفه لاني اوكلت امري لله ...ولو ع اجاباتي انا في خبر كان

وجا يوم النتيجه والحمدلله نجحت وبنت اختي رسبت مسكينه وقلت لها قريتي او دعيتي

تقول لا .... طبعا قهررررر ....انا كان مصيري مثلها وانا ابصم بالمليون وسبحان الله ماخاب من التجأ اليه ودعاااااه

ويارب تكونوا استفدتوا

واقسم بالله العظيم هذي قصتي يوم امتحان االا حصاء وياااارب تستفيدوا
..'&&&&&&&&&&&@&&&&&&&&&
كنت جالسه اتصفح وشفت الموضوع وحبيت اقلكم مشكلتي وكيف انحلت بفضل الله تعالى وملازمتي للئستغفار

مشكلتي بدت معايه بوسواس جاني وسواس لدرجة اي مرض اسمع عنه اشك انه فيه
وتعبت وكنت فاقده الامل
وبعدين جلست فتره احافض على النوافل واقرا قران كثير واكثر من الاستغفار
والحمدلله من الثماراللي حصلتها
ذهاب الوسواس عني والقلق والتوتر
وسرت مرتاحه نفسيا
والشي اللي لاحضته على نفسي اني سرت متفائله وصبوره






.............................. .............................. ............
.............................. .............................. ............
.............................. .............................. ............
.............................. .............................. ............