[@معاند الجرح@]

اخواني واخواتي مرحبا بكم مرة اخرى في هذه القصيده الفكاهيه وانا كتبت العنوان من باب لفت الانتباه ومن باب الحرص على دخول الجميع الا اللي تخاف على زوجها يتاثر لا تخليه يدخل القصيده هذه كتبتها قبل ست سنوات تقريباوقصتها اني دخلت احدى المنتديات وكان الموضوع المتناول عن التعدد وكانت احدى شاعرات الخليج المشهورات لا داعي لذكر اسمها متضجره من هاذا الموضوع وكتبت بيت فرديت عليها فردت وصارت تدعي عليه اني لو اخذ الثانيه ادخل شهار وانا لا الومها كا امره فطرتها كذا وجبلتها لانها اكيد تحب زوجها فما ترضى احد يشاركها ولا كن هاذا شرع الله والله ماشرع شي الا لحكمه سبحانه وتعالى وبالنسبه للتعدد الرجل اللذي لايستطيع العدل لا انصحه وانا ضده تماما (((((( الله يعينا مرة اخرى على المهاجمات))))

فكتبت للشاعره هذه القصيده الفكاهيه وتقبلتها بكل صدر ترحب اترككم معها ولا مانع من ادلاء ارائكم




وسلامتكم

يابنت يالللي للتعدد تعادين=وتعانديني في حججك الضعيفه
ابا انصحك يابنت كانك تودين =نصايحن تحمل معاني طريفه
مابغى دفاعك عن جميع المزايين=خليك يابنت النشاما حليفه
ولابغى الدعى بشهار حق المجانين=خلي.. مزوحك يالبنيه خفيفه
اقول حظ اللي تزوج بثنتين =انا اشهد انه في حايتن مريفه
اللي معه وحده كا الاعور معه عين=لو تنفقع صارت حياته كسيفه
والشيخ ابو ثنتين لو تنفقع عين =ا.تقوم ضرتها بنفس الوضيفه
وابو ثلاث مطابق" للقوانين =يلعب بسكينه ورمحه وسيفه
اشبهه بالقدر شيخ المواعين=على ثلاثن نايفاتن منيفه
وللي تربع شيخ كل المحبين= قلبه مجمع للقلوب الرهيفه
كنه عريسا" في جنان وبساتين=كلن تسابق منهي اللي تضيفه؟!
واذا رجعنا للحقيقه بترضين=اعطيك قول الحق ماجيب زيفه
ماظن احد يقدر يعدل الموازين=الموت وارد والنتايج مخيفه
عندي وليف الروح يسوى ملايين=ولا ظني القى فالقبايل وصيفه
ابا امدحه اخاف يمه تروحين=وتعصبينه لين يقتل وليفه!!!

احتمال كبير ان هذه اخر قصيده اشارك بها في المنتدى للظروفي الخاصه يعني انتبهن لاحد يدعي!!! ارجو ان تنال اعلى اعجاب الجميع