[وفاءالمشاعر]

لو كنتِ من عشّاق الشيكولاتة.
ترافيل الشيكولاتة
المقادير:

1/ 2 كيلو شيكولاتة خام
1/ 4 كيلو شيكولاتة باللبن
1/ 2 كيلو كريمة خفق
1/ 2 كوب كاكاو

الطريقة:
1- قطّعي الشيكولاتة قطع صغيرة، وسيّحيها في حمام مائي ساخن.

2- في إناء تاني سخّني الكريمة، وصبّيها على الشيكولاتة بعد ما تسيّحيها، وقلّبيها مع بعض كويس، وسيبي الخليط ده على جنب شوية علشان يبرد.

3- بعد كده حطّي الخليط في الثلاجة لمدة 1/ 2 ساعة، وبعدين طلّعيه وشكّلي منه كرات صغيرة، وحطّيه يتجمّد في الفريزر لمدة 1/ 2 ساعة.

4- في الوقت ده، ذوّبي الشيكولاتة باللبن في حمام مائي، واغمسي فيها كرات الترافيل بعد ما تطلعيها من الفريزر.

5- في الآخر حطّي الكرات دي وهي عليها الشيكولاتة السايحة في بودرة الكاكاو علشان تتغلّف من برّه بها، وقدّميها.. وبالهنا والشفا