[سنيورة الليل]

السلام عليكم ورحمة الله وبركاته


اخواني واخواتي افيدوني :(

اليوم سمعت امي واختي يتكلمو عن الزواج والخطبه وسمعت امي تقول لأختي قصة زوجة خالي انها تطلقت من ثاني يوم بالملكه وان امها تطلقت وقعدت بالبيت وان بناتها عرضتهم كلهم على خطابات والخ يعني تقول قصتهم لأختي

فرحت عند امي قلت لها حرام اللي تقولينه نميمه تقعدين تنقلين اخبار فلانه وفلانه
قالت هي انا ماقصد شي بس ابي اعلم اختك وافهمها عن موضوع الخطابات وجبنا السيره مافيها شي

قمت انا قلت لاحرام تجيبو اعراض الناس تغتابوهم ( قلت انها غيبه ونميمه )

وعرفت بعدين ان النميمه هي نقل اخبار الناس (بغرض الأفساد)
والغيبه هي قولك في اخيك مايكره

طيب سوالي

هل اللي قالته امي غيبه ولا نميمه ولا شي عادي ؟

انا مع سرعة الكلام قلت بالمرا الأولى حرام نميمه وبالمرا الثانيه قلت حرام غيبه فهل اعتبر مذنبه مع العلم ماقصدت الا النصيحه واللي كنت اعرفه قبل ان النميمه نقل اخبار الناس سواء افساد او كلام عادي ؟؟


واذا كنت مذنبه وش الكفاره ؟؟


وبرضو وش حكم اذا جبنا طاري وحده بالأسم انها تزوجت او تطلقت او جبنا سالفه تخصها والناس تعرف هالشي ؟؟


وماحكم اذا جبنا سالفة وحدا وقلنا ( فلانه الله يستر عليها ) تزوجت وتطلقت او زوجها كان مو صاحي او هي فعلت كذا وكذا بدون ذكر اسمها او توضيح من هي ؟



وماحكم اذا وحدا جت قالت لي سالفتها ان اختها ماتحب زوجها او ان اختها سوت لها كذا وكذا او هي قالت لي سالفه تخصها مثل مشاكل عيلتها.. والخ
فرحت انا من باب السوالف قلت لأمي ان صديقتي عايشه اختها كذا وان هي تزوجت فلان وان امها تزوجت وتطلقت وانا مو قاصده شي بس سوالف هل اعتبر مذنبه ؟


تكفووون جابو كل الأسئله سؤال سؤال مهم جداااااااا