[إنسانه88]

بسم الله الرحمن الرحيم
السلام عليكم ورحمة الله وبركاته

انا حطيت موضوعي هذا وابي اعرف فيه احد مثلي*
وانا طبيعيه والا لا*
انا سجلت بمعرف جديد عشان اطرح مشكلتي عليكم
واتمنى القى عندكم ولو القليل لان الحل بيد الله سبحانه وتعالى
انا لما خلصت الثانويه اصبحت مهووسه بالزواج ادعي ليل نهار واقوم الليل*
اصوم ادعي استغفر*
لكن طال الوقت وماتزوجت ولاحتى احد طق الباب*
ونسيت هالسالفه او بالاحرى حاولت انساها*
مرت تقريبا اربع او خمس سنوات فتحت على نفسي بديت احس اني كبرت واني ماعدت انفع
انا وصل عمري 23 ولاعمري انخطبت*
صح جتني اكثر من وحده تبي تخطبني بس تكون مو مناسبه لنا اجتماعيا وتتسكر السالفه
لكن عمري مااحد كلم امي عشاني*
مع اني دايما الفت الانظار لافي زواجات ولاعزايم والكل يسال عني هذي بنت مين
والكل يقول اكيد انتي بتاخذين واحد تاجر واحد معروف او زي كيذا
حتى امي دايما تقول غريب اللي قاعد يصير ليه محد طق الباب*
دورنا بالاسباب قال لنا شيخ خذو من كل اللي دخلو بيتكم*
اخذت لي امي من الكل لاكن مااتوقع هذا السبب لاني ماتغير شي*
حاليا انا بديت اصرف نظر عن الزواج عموما وابدى حياتي معتمده على نفسي وبس بدون زواج طول عمري
بس تجيني ايام احس اني وحيده ابي اكلم احد ابي احب وانحب*
بس دائما ماسكه عمري ولاعمري حاكيت احد في النهايه الانسان ضعيف*
واخاف كثير يجيني هالضعف*
حاسه اني خلاص تعديت سن اني اتزوج يعني فاتني القطار*
صحيح احيانا اشوف اللي حولي ماتزوجو الا وهم اكبر مني بكم سنه يعني في سن 27 26*
بس انا اخاف انتظر وانتظر واتعب وانا انتظر*
انا صرت مااحب كل اللي حولي احس اني اكرهم احاول اتجادل معاهم باقرب فرصه*
مدري وش اللي جاني بالظبط*
بس لولا الحرام كان انا منتحره*

ماادري ليه كتبت هالحكي بس حاسه اني راح القى عندكم شي*
حتى لو نصيحه اكون غافله عنها*
ويمكن لاني محتاجه افضفض وماابي اقول لاحد لاني دايما اظهر نفسي بصورة الانسانه القويه*

لكل اللي قرو لي وردو علي لو بكلمه مشكورين وماقصروتو
الله يوفقكم وين ماكنتوو

ودي ....