[نجد الهزاني]

تدرين وش بي ؟ عسى الله يقطع الصورة
من شفتها هيضت بالقلب تذكاره


قامت عيوني تصب الدمع مقهورة
تبكي على غيبة الغاليين ياسارة


من علتن في حشايا صرت مكسورة
سبت خليلن رحل ماودع ديارة


يومة نشدني كم الساعة ياشطورة
أثره بيرحل من الدنيا ومن داره


ويومه رحل رحت أصوت لي ياعصفورة
ياعصفورة وينه أبي أعرف أخبارة !


قالت ياطفله وكافي دمع مأجورة
الظاهر انه يبي يطول بأسفاره


رجعت مالي سوا ذكراه محفورة
أجر رجلي من الصدمات منهاره


أبطى علي وتركني أغرق بحورة
طفله ماعرف العوم يجرفني تياره


وعدى العمر أنتظر لي زول عصفورة
تسدي علي لو خبر واحد من أخباره


يارب كل من نشدني قلت مستورة
ماودي أفضح خفايا القلب وأسراره


واليوم مالي من الذكرى سوا صورة
ليته خذاها معاه وراح ياساره ..!

في رثاء والدي ..

بقلمي / نجود الهزاني ..