[Ŝђǿǿq Ťąbσύĸ]

...



...

اناأشهد إن {بعض المعرفه } سماجه
وإن / المجامل / لجلها ماقف سي

و { ياهييه } مابيني وبينك مواجه
فرقاك عندي / كنها الزاد / والمي

اعرف ترا مالي { ورا الناس } حاجه
الا رفيق / صافط / رفقته لي

فلا صار مالك { مع رفيقك } نهاجه
في نيتك / خاين / وفي خوتك عي

{ البغض ظيمي } والمفارق علاجه
بفارقك / لاصار مانتب / ولا شي

خمسة عشر درة ٍ { بين النبط } والفصيح ................
................ غصت / اببحور القصيد / وجيت مشتالها


{ الصوت مبحوح } وإن غنيت يمكن يبيح ................
................ ولا فودي / بشيلتها / وموالها


من شان { اسلي بها } ذاك الضمير الجريح ................
................ اللي / ليا ناحر / الفجه تنوى لها


والشاهدالله علي { إني } لعد الصحيح ................
................ وأجاهد النفس / مهما الوقت / سوالها


عفوي { وضد التكلف } في الحياه وصريح ................
................ وأصفح ولا أعامل / الجهال / بأعمالها


اسلا مع { أعزاز الأنفس } وأنبسط وأستريح ................
................ ولاضعاف الروابع / مالي / ومالها


بعض الأوادم { على } غاية بعضها تطيح ................
................ ولاتطيح الطيور / إلا على / أشكالها


ومجالس عزاز الأنفس { قحويانه } وشيح ................
................ رفيعة / ترفع الرجال / لا جالها


ماياجد إلا { سعة خاطر } وهبات ريح ................
................ ومواقف / تطرب الطيب / ويسلالها


ولا أنت ياللي { ورا المقفي } تنط وتصيح ................
................ خلك بحالك / وخل الناس / في حالها


القافله ماشيه { ماحسبت } للنبيح ................
................ داست / خشوم الكلاب / ولا على بالها


ووشفيك { تنبح وراها } يالردي القبيح ................
................ يعني مثل / غرة الفارس / وختالها


قال ابن عباد { كم صدر ٍ } فضحه الكحيح ................
................ واليوم / أنا أقولها / لو كان قد قالها


ولاكثر الله خيرك َ { يايمين } الشحيح ................
................ جوك النشاما / ولاكرمتي / اسبالها


خمسة عشر بيت { تمت } مادخلها فصيح ................
................ ومادامها / كملت / مالي بطوالها

لا صار { مافي الرجل } غيره وشيمه
كلمة رجٌل / خسارةٍ فيه / تنقال

وانشهد انك عايشه { في ظليمه }
يالحية ن / مانتي / على وجه رجّال

انا لا منه صار قلبي مستريح / مالي ورا غرات خلق الله لزوم
من قام حظه قلت جعله مايطيح / ومن طاح حظّه قلت جعله مايقوم


كلّهـآ لِـ / عبدالرحمن بن بديع