[maha_0]

السلام علكيم ورحمة الله وبركاته

حبيت أن تستفيدون من تجربتي في المقابلة الشخصية مع البنك المقابلة يوم الاحد 18\4\1433

لبسي افضل شئ عندك ويكون لبس محتشم لبس رسمياً ناعم.... سوي مكياج ناعم بسيط ...الشعر يكون على حسب مايناسب وجهك

طبع لازم تشيل العباية عشان المظهر

أهم شئ المظهر والثقة في النفس و لا تخافي ولا ترتبكي (اعتبري الوضع عاادي)

وتكوني أخذتي فكرة عن الفرص الوظيفية في البنك مثل خدمة العملاء والصرافة .

المديرة عملت لي المقابلة بالقسم النسائي
الأسئلة المطروحة :.

1- تكلمي عن نفسك؟؟؟
السيرة الذاتية
طبعا تقولي اسمك وعمرك وحالتك الأجتماعية وكلية اللي تخرجتي منه و التخصص و التقدير
وخبراتك مثل تقولي لدي خبرة في استخدام الحاسب الآلي و برامج مايكروسوفت اوفيس
((مو لازم تقولينه هذي برامج مايكروسوفت أوفيس : الورد والاكسسل و البوربوينت أذا كنتي تعرفين له من دون شهادة ))
و المهارات اتمتع بقدرة جيدة على بناء العلاقات الأجتماعية
الهويات الرسم القراءة التصوير

سالتني تعرفي إنجليزي قلت أعرف كلمات بس
2-تكلمي بالأنجليزي عن مهارتك ؟؟؟

3- لماذا تقدمتي للبنك ؟؟؟

4- ما هي الموصفات اللي لازم تكون في موظف خدمة العملاء؟؟؟
لباقة الحديث إرضاء العميل

5-ماهي الموصفات الشخصية اللي فيك اللي تخلين أوظفك عندي في البنك ؟؟؟
القدرة على تحمل ضغط العمل .

6- ما هي مهام خدمة العملاء والصرافة؟؟؟
مهام خدمة العملاء: فتح حساب جديد أو حساب أدخار الصرافة :أيداع المال أو سحب مال . ترى الصرافة اللي في البنك لا يروح بالكم الى تحويل العملات

7- اختاري اي وظيفة خدمة عملاء ولا صرافة؟؟؟

وخلاصت المقابلة الوقت شكلة أقل من 15 دقيقة قالت نسوي مقابلة ثانية نكلم عليك

**************************************
وطلعت بس وصلت الباب سمعت تقطيع ورق واوواووووووو

طبعا الأسئلة أن شاء الله تفيدكم أبحثوا عن أجابة أحسن من أجابتي

ادعوا لي بالوظيفة الحلال وللجميع إن شاء الله

وبشفاء العاجل لي و للمسلمين أجمعين

: smile:بانتظر الردود:s mile: