[فلسطينيه غزه]

السلام عليكم ورحمة الله وبركاتة
اولا اشكر الجميع على مجهوداته لتقديم النصائح ولاحظت انه الاغلبيه يا اما مسحور او انه معيون المهم لاقين شماعه السحر والعين علشان نرمي عليهم مشاكلنا وهمومنا مع انه نحن في عصر التقدم ماانكر انه السحر موموجود بس صعب جدا انه الواحد يعمل سحر للثاني ويزبط .
اعرف صديقه الي عندها مشكله بالانجاب وكانت تروح عند ناس يفكولها سحر ويكذبو عليها ماخلت شيء وماعملتو وقالولها انه الي ساحرتها بتكون مرت اخوه لزوجها وصاحبتي كرهت زوجه اخوه وصارت مشاكل وعداوات ما الها اول ولا اخر وتحطمت نفسيتها وللاسف كله هاذا طلع وهم بوهم اكتشفت بطريق الصدفة ورقة تحليل لزوجها انه ماعنده حيوانات منويه نهااائي تخيلي الصدمه ظلت تعاني قرابه 7 سنوات بوهم اسمه السحر والفك وتروح عند هاذا وعن تلك بالاخر واجهت زوجها بورق التحليل واعترف زوجها انه فعلا مابيقدر يخلف ورضيت بنصيبها واقنعت زوجها بالعلاج طبعا ماتحسن وضعه كثبر لكن عن طريق عمليات اطفال الانابيب الحمد لله انجبت ولد زي اللقمر يعني صبرت وبالاخر نالت الحمد لله.
ياعزيزتي انا جبت الك نموذج واقعي من واقع الحياة لاتخلي الاوهام تدمرك الجألي للذي خلقكي هو ادرى بمشكلتك لا تخلي موضوع السحر يسيطر عليكي وبعدين كيف بدك تروحي عالمحكمه وتقوليلهم انه هاذا الشخص سحرلي مابيزبط بالمره هالموضوع ماراح حدا يصدقك خلي مشكلتك محصوره بين اهلك وتعالجي بالقران وحاولي تلهي نفسك باي مشروع او دراسه او اي حاجه تفيدك وتفيد المجتمع غيري من نفسك صدقيني راح تتغير امورك وكل واحد فينا عندو مشاكل نفسيه بس الشطاره انه الواحد يسيطر على نفسه ويتحدى العالم بانجازاته بعبقريته انا متاكده انك انسانه تقدري تنتجي باي مجال واضعف شيء ممكن تعمليه ادخلي دوره تطريز صدقيني لمن تتعلمي اي شيء وتصيري انتي متمكنه فيه وتشوفيه شو ايديكي اشتغلو راح تتباهي بنفسك وشويه شويه تزيل همومك ووكلي امرك للذي لا يغفل ولاينام واسفه اني طولت عليكي وشكرا لكي