[الرحـــــــــــاله]

لعشاق الكيك..

هذي بعض الكيكات المميزة بالنسبة لي واسويها دايم لأنها سهلة ولذيذة بنفس الوقت..

وتعتبر كيكات بسيطة ويعشقونها العجايز خخخخ لأن اغلبها تكون سادة بدون كريم وهذا اللي عاجبهم بالموضوع

اتمنى تعجبكم..


وقبل لأبدء هذي قاعدة اخذتها في عمل جميع الكيكات ويمكن هي قديمة بالنسبة للبعض لكن بالنسبة لي اكتشفتها مع كثرة تجاربي للكيك وخصوصا اني من عشاق الكيك..

*اول شي لازم نخلط البيض مع السكر والفانيلا لمدة 10 دقائق المهم لاتقل عن 5 دقائق.

*وبعدها اضيف السوائل الثانية ان وجدت مثل الزيت او حليب سائل او عصير .

*وبعدها المكنهات مثل القهوة والنسكافية او الكاكاو وغيرة..

*آخر شي اضيف الطحين واخلطة جيدا مع الخليط السابق وبعد مايختفي اثر الطحين
*اضيف البيكينج بودر واخلط الكيك بالسلك اليدوي مش بالكهربائي علشان مايطلع الهواء اللي بالكيك..
*واذا كنتي تحبين الكيكة تكون سميكة ومرتفعة ضيفي ملعقتين بيكينج بودر حتى لو الوصفة مكتوب فيها ملعقة..

والحين ببدء بأول كيكة


كيكة بطعم القرفة

المقادير:

2 كأس طحين

م.ك بيكينج بودر

4 بيضات

1/2 كأس زيت

كأس سكر

كأس حليب سائل

للوجه:

3 تفاحات مبشورة

دارسين(قرفة)

حليب محلى

مربى مشمش



الطريقة:



نخلط البيض والفانيلا والسكر مع بعض لمدة لاتقل عن 5 دقائق

بعدها نضيف الزيت والحليب ونخلطهم واخيرا نضيف الطحين ونخلطهم حتى يتجانس الطحين مع الخليط السابق

وبعدين نضيف البيكينج بودر.



نصب خليط الكيك بصينية مدهونة متوسطة الحجم..

نرش على الوجه التفاح المبشور ونرش فوق التفاح القرفة بحيت تغطي التفاح وندخلها الفرن لمدة 35 أو 40 دقيقة على حرارة 350 درجة.

واول ماتستوي الكيكة ونطلعها من الفرن وهي حارة ندهن وجه الكيكة بمربى المشمش وبعدها نصب حليب محلى بشكل عشوائي

بالهناء وبالعافية