[هدى وهداية]

رضيت بالحزن عمر وبالمواجع خليل
.. وقدرت أعيش بحياة باهت(ن) لوووونها
عودت نفسي مادامي جيت عابر سبيل
.. كل ما دهتني مصيبه قلت ياهوووونها
وعاصرت من دورة الايام شيء مهيل
.. ومريت بدروب غيري ما يمروووونها
من كثر ماشلت ما باقي بجوفي مشيل
.. روحي تدور معين ولا لقت عوووونها
كم شجرة(ن)جيت ادور لي تحتها مقيل
.. وحتت ورقها وعرت فوقي اغصوووونها
وليا رميت الهموم بسهم صبر جميل
.. أما يجي خلفها ولا يجي دوووووونها



مرزوق الروقي