[~~ راوية ~~]

السلام عليكم ورحمة الله وبركاته

البنات الي يتابعو قناة فتافيت للطبخ ، في وحده من برامجهم تقدمها وحده امريكية اسمها (مارثا) ، هذي مارثة شفت لها برنامج قبل شهرين تقريبا المهم وكانت مستضيفه وحده ، وسألت الضيفه مارثا وقالت لها : ايش تتوقعي عمري من وجهي ؟ فقالت لها مارثا : 30 سنه .
فقالت لها الضيفه : أنا عمري 60 سنه !!



والله انصدمت وكل الموجودات بالبرنامج صاحو بذهول انو هذي الانسانه قدامهم عمرها 60 سنه ، لأنو منجد شكلها ابد ماهو كذآ ..



فذكرت سرها يابنات انها تعمل خلطة يوميا لوجهها المهم أنا ع طول أخذت الوصفه وجربتها ومن أول استخدام قلت والله من حقو وجهها يكون بده الشكل الرائع ...


اروع مافي الخلطة انو النتيجة بعد اول استعمال ..



مميزات الخلطة من اول استعمال :-
1- مكوناتها طبيعيه + موجوده بكل بيت + سهله الصنع والاستعمال .


2- انها تخفف تجاعيد الوجه بنسبة 40 % ومن أول استعمال .
3- تزيل شحوب الوجه وتخليه ناااعم مررره وتستمر نعومته لتاني يوم واكثر !
4- ماادري كيف اوصف لكم لكنه يخلي الوجه بض يعني لو جربني تقرضي خدودك ع خفيف تحسيه قطن وانا ماابالغ من دي الناحية والي حتجربه حتقول ده الشئ .
5- استعمال الخلطة يوميا يمنع ظهور التجاعيد ويخلي وجهك ذو بشرة شابه دائما





نجي الحين لمكونات الخلطة :-



( حليب بودرة )









(عسل)






(شوفان)









(ماء ورد)









~~~


يتبع
الطريقة:-


1- نأخذ صحن وملعقة شاي .








2- نحط ملعقة من حليب البودرة .








3- نأخذ الهاوند








ونحط فيه ملعقة من الشوفان











وبدقه كويس بيد الهاوند لحتى يصير زي البودرة زي الي بالصورة .









وبعدين نحطة بالصحن









3- بعدين نحط ملعقة عسل.










5- وتحطي نص ملعقة من ماء الورد (نسيت اصوره)




6- تقلبي الخلطة كويييييييييس ولااازم تمتزج مكوناته كويس ..


فما يكون كده







بل تقلبي أكثر ليكون كذآ ..



~~~


يتبع ..


بعدين تحطي الخلطة على وجهك وركزي على اماكن التجاعيد لو عند تجاعيد ..


وأتركي الخلطة لمده نص ساعه على وجهك ..




وبعد نص ساعه غسلي وجهك بالموية وأزيلي الخلطة منه ..
بعدين استعملي مقشر على وجهك ..



وانا عن نفسي بأستعمل (بودرة اللولو ) اشتريتها من عطارة طيبه وكلمة رهيب قليلة بحقه وهذا العطار منشر بجدة وما اعرف لو موجود بالمدن التانية والعلبه كبيره وسعره 25 ريال ووالله بنات انصحكم بيه لكل الجسم مش بس الوجه ..





وبعدين مااغسل وجهي منه انشفه بمنديل لحتى اجففه كامل وأحب بعدها ابخ موية ورد على وجهي واتركه ينشف عليه لأنو يزود النعومه بالضعف ويورد .







~~~



ملاحظة:-


الخلطة مفيدة للوجه من ناحية نضارته وتخفف بشكل كبير تجاعيده وتحميه منها وليس التبييض .


~~~



واتمنى الحين الحييين تجربونه وتردولي خبر ..
وان شاء الله اكون افدتكم بخلطه جيدة للوجه لأنو التجاعيد هي من أهم أعداء البشرة فلازم نحميه منها وخاصة الوجه الي نقابل به الأخرين ..





منقووووول لا تنسوا الردود