[أسيل AS]

السلام عليكم ورحمة الله وبركاته

حابه اطرح عليكم مشكلتي

كتبتها في قسم أحلام اليقضه بما ان البدية حلم والنهاية مشكله

هذا جزء من مشكلتي ..
أنا من يوم كان عمري 13 سنة أبوي طلق أمي ومن بعدها ماشفتها تخرجت من الكلية لي حوالي سنتين وهذي حالي أبوي مقاطع الكل ومايتواصل مع احد قبل كانت الدراسة وهمها شاغل بالي والحين بعد التخرج مافيه شي يشغلني دايم أفكر قلت لأبوي بكمل الماجستير قال لا قلت أبتوظف قال لا والشي الأعظم
كل مايجيني خطيب يرفضه بدون مايأخذ رأيي كثير جو وقرار أبوي مايتغير ياترى ليش
هذا الشي ماعرفه حتى مايخليني أناقش معه هالموضوع الناس في نظره منافقين أعداء يقول لي يأخذك ثم يرميك بس عشان ينتقم مني لا حول ولا قوة إلا بالله يقصد لتزوجت هذي نظرته ....
مأكل مايتمناه المرء يدركه تجري الرياح بما لا تشتهي السفن
.... لي أخت جاء نصيبها وتزوجت ومبسوطه ولله الحمد وتشوف أمي وافق أبوي على زواجها وأنالا بس للمعلومة( الي يطلع مايرجع )
أختي ماشفته إلا قليل وممنوع أزورها بس مايهم المهم أنها مبسوطة
وأبوي زعلان من أختي لأنها تزور أمي
يوم كنت بالابتدائي كنت ماحب أروح للمدرسة ودايم أسوي نفسي تعبانه يمه راسي يعورني يمه بطني يعورني حتى الكل يداوم ثم أقوم العب بس في ذاك الوقت حتى وأنا صغيرة حسيت بشعور غريب حسيت إني بفارق أمي للأبد وحبيت اقضي اغلب وقتي معها
وطلع إحساسي بمحله
نظرت أبوي لعياله نظرت أعداء ولازم يحذر منا والدليل قال تعالى( يا أيها الذين آمنوا إن من أزواجكم وأولادكم عدوا لكم فاحذروهم ) إنا لله وانأ اليه راجعون كيف يفسر القران على طريقته وأساسا مايسمع مني مالي رأيي بس اسمع وأنفذ وماقول لا ولا راح اقول لا
بعد التخرج قضيت وقتي بين المطبخ وغرفتي بجانب مدفاتي الصغيرة اكتب قصة من تأليفي والمهم ماطلعت من البيت بتقولون مامليتي أقول صار عادي عندي لو سالتوني كيف اقضي وقتي مثلااا بالعيد أقول ماعندي عيد بالعيد اكبر المخدة وأنام عيدي هو نجاحي في دراستي تسلم وثيقتي عيدي هو هروبي من المحاضرات الممله وقضاء وقت مع صديقاتي بوجود طبعا القهوة والحلا والسوالف هذا عيدي
من خلال دراستي كنت اكتب يومياتي واحط بالدولاب بس ماحب اقرأها بعد التخرج فتحت الدولاب طبعا مسميته دولاب سري ولقيت دقاتر كثيرة واخذ اقرأ واقرأ مافيه كلمة كاتبتها مفرحه كلها ضيق الصدر وماكملت حتى جمعتها كلها ورميتها( أعزكم الله ) بالزبالة وداعا للماضي
قال الشاعر :
فَدَعْ مَا مَضى واصْبِرْ على حِكِمْةِ الْقَضَا ** فَلَيْسَ يَنَالُ الْمَرْءُ مَا فَـاتَ بِالْجُهْـدِ

حاليا مذكراتي كلها اشكي فيها لامي
أمي هي الورقة وأنا القلم ......من بعض كتباتي المتواضعة
(يمه متى يجي العيد الي أشوفك فيه ....يمه متى الفرج ...يمه أنا اليوم ضايق صدري ايش أسوي
يمه أنا اليوم تعبانه صداع رهيب براسي ...يمه أنا قبلوني بحافز ....يمه برمضان متى نفطر سوا على سفره وحده .... يمه انا أحلامي في المنام حلوه ومريحة ومطمئنه وماحب اصحي لصحيت انصدمت مجرد حلم ..................) الأحلام نعمه من ربي اللهم لك الحمد كما ينبغي لجلال وجهك وعظيم سلطانك
اممممممممممممم خاطـــــــــــــــــــــــــــــــــــــــــــــــ ــــري مكســـــــــــــــــــــــــــــور
لا ماجستير لا وظيفة لا زواج وبعدين
كيف أعيش ؟؟؟؟؟
انفتح لي باب رزق باقي باب الفرج وباب أمي وأخيرا بينما كنت في محطة القطار رأيت دخان لكن من بعيد جدا ياترى هو قطار قادم وألا غيوم مظلمة تعدم الرؤيا ولاأزال جالسه على الكرسي انتظر القطار* قطار الزواج* صديقاتي سبقني في ركوبه لكن لولم أتعثر لكنت معهن
أنا ولله الحمد لن أيائس وأملي بالله كبير ربي لن ينساني و الله يهدي أبوي

قال رَسُولِ اللَّهِ صَلَّى اللَّهُ عَلَيْهِ وَسَلَّمَ "عِظَمُ الْجَزَاءِ مَعَ عِظَمِ الْبَلَاءِ وَإِنَّ اللَّهَ إِذَا أَحَبَّ قَوْمًا ابْتَلَاهُمْ فَمَنْ رَضِيَ فَلَهُ الرِّضَا وَمَنْ سَخِطَ فَلَهُ السُّخْطُ "

حلمي وشوقي وأمنيتي أن أكون بحضنك ياأمي لأحس بالأمن والحنان

طيب حلولكم أو حتى رأيكم بمشكلتي

لاتنسوني من دعوة بظهر الغيب أن يجمع الله شملي ويفرج همي ويحقق أمنيتي