[بنت السهلي]

بسم الله الرحمن الرحيم
السلام عليكم ورحمة الله وبركاته

أن لم تكن قدري فل تكن إختياري

أنا راح أطرح عليكم مشكلتي و أتمنى أن تساعدوني

أنا فتاة مطلقة من 4 سنوات وداخله على 5 سنوات
وأبلغ من العمر 27 سنه
ليس لدي أولاد الحمدالله
بصراحه الحمدالله الحمدالله لا تعد ولا تحصى
أنا عايشه مع أهلي وحياتنا مستقرة
تقدمولي خطاب بس ما حصل نصيب وكنت كل مره أحد يتقدم لي أحس أنه راح أموت
يعني متخوفه من التجربة مره ثانيه وإذا ما صار نصيب أقول الحمدالله الله يجيب اللي فيه الخير أو أقول توني صغيره على الزواج وإلا وش ما خذه منه غير المشاكل والهم
المهم ما أبي أطول عليكم أختصر الموضوع ونبدأ بالمفيد
أنا لي شخص يقربيلي وكان يحبني من عمر الدنيا ويفكر يرتبط فيني بس أنا كنت رافضه الفكرة أعتبره مثل أخوي وأنه يمكن يكون الشخص الغير مناسب وبصراحه كنت غاضه النظر عنه لانه كان ما يصلي وأنا عندي الدين أول من أي أمور ثانيه وعاطل عن العمل
ويوم تزوجت عرف بالموضوع وزعل كثير أني ما كنت له ورحت لغيره
ويوم تطلقت فرح لي كثير وكانه يقول جاتك فرصه ثانيه لا تضيعها
المهم أنا صبرت وقلت الله يعوضني باللي أحسن منها
بس المشكله أني أنا دايم أفكر فيه لدرجة أني حبيته وقلت في نفسي يمكن يكون الإنسان اللي يسعدني رغم المشاكل اللي عنده
ومتخوفه أرتبط بشخص ما أعرفه
المشكلة هنا أنه الشخص خريج سجون مع أني ما أحب أقولهاوالقضية اللي انسجن عشانها متورط بسرقه من خلال أصحاب السوء
لكن الحين الوضع تغير والرجال حاله أصطلح و إن شاءالله ربي يثبته على ماهو عليه
أنتهت القصة و أتمنى أني ما طولت عليكم
أرجوكم أبي أقترحاتكم !!!!!!!!!
الله يجعل كل من قرأ موضوعي يرزقه الجنه اللهم آمين ..