[حامد نوار]

فتن ونهب وسلب ومساقـط نجـوم

ومظاهرات وقتـل واشعـال نيـران

عزاه ياشعب(ن)من العـز معـدوم

من بعـد ماكانـوا للامجـاد عنـوان

مهـزوم فكـريـاً ومـهـزوم بـعـزوم

ومهزوم حتى بالملاعب وخسران

حنا العرب في كوم والعالـم بكـوم

اجوائـنـا دخــان والارض بـركـان

يامـدّعـي الاصــلاح لاتبعـدالـحـوم

لاتنشر الفتنـه علـى كـل الاوطـان

الصلـح والاصـلاح يحتـاج لقـروم

ناس(ن)بكلمه رجحوا كـل ميـزان

ماهـو بيحتـاج لجماعـات ورخـوم

بياعة الكلمـة علـى صـم الاذهـان

باسبابـهـم تـفـرق الـقـوم والـقـوم

من بعد ماصـاروا قرايـب وخـلان

ياامعات(ن)فكرهـا صـار مسمـوم

ياجمرة الخبث المعتّق من ازمـان

يـازمـرة التفـريـق والحقـدوالـلـوم

الى متى وانتم عن الحـق عميـان

وياقايدالتشتيـت ماتـفـرق الـسـوم

السوم غالي وانت خايب وطفران

غـادي وضايـع ومتـردد ومنـجـوم

ارجع ترى مافات شي ارجع الآن

ويالله تصـلـح حالـنـا دايــم الــدوم

وتديم عز اللمملكه بيـن الاوطـان

وتعين كـل النـاس حاكـم ومحكـوم

وتمـدنـا بـأمـن وامان(ن)وايـمـان

وتعز ابـو متعـب ذرى كـل مظيـوم

الحاكم اللـي لـه معـزه ولـه شـان

اللي بحكمه مابنـا انسـان مظلـوم

الابشـي(ن)مـادري بـــه كـحـيـلان

ويالله يـامـنـان يــافــارج هــمــوم

ياعالم(ن)مابـالـنـوايـا والاكــنــان

انك تطول عمـر قـرم(ن) وزيـزوم

مليكنا راع الوفـاء راع الاحسـان

منقول