[haneen2006]

السلام عليكم ورحمة الله وبركاتهأبيات جميله تتزين بذكر الوالدين عجبتني وجبتها لكم يا أغلى أعضاء ...


يفـز قلبـي لا سمعتــــه يـصـوتّ
____________________ لا وحيت صوته قلـت لبـيه..لبـيـه

هذاك من حبــه عروقـي تـــروتّ
____________________ ____ ممزوج وسط الدم يجري مجاريــه

حبه على حب الخلايـق تــــفـوتّ
_________________________في ذمتــي حتى على الروح مغليه

صفحة غلاه بضامري ما تــــطـوتّ
____________________ _____ حاظره في قلبي كما كان ماضيـه

أبوي و أحبـه ليـن حتى انمـوتّ
___________________________ أحب من حبه و أعادي معاديـــه

ارضاه عنـدي فرصـةٍ ما تــفـوّت
___________________________ أبيع ما يزعلـه ورضـاه بشـريـه

قلبي وروحي له قسـم ماتــغـوّت
____________________ _____روحي وقلبي كلها ملك في ايديـه


عسـى المنــيـه لا تـــدنـت ونـوّت
_____________________ ____تصيــب غيره لانوت به وتــــخطيـه


تاخذ بخيلٍ مـن ضيـوفــــه يلـوّت
________________________ وتخلي اللي غالي المال يــصخيـه

ياالله يا اللي من عطاك انتـــقـوّت
________________________ أحفظ ابوي ياخالقه واحتفـظ فيـه

وأمٍ عظامــي مـن لبنـــهـا تقـوّت
_________________________ جسمي بصغري من لبنها تــغذيـه

تــلطف وتستـــلطـف ولايـوم روّت
___________________________ماهي تروي الناس لطفٍ تسويـه

من لطفها ماحدٍ درى ويـــش سوّت
________________________ لاسوت المعروف مأحد درى فيـــه

تعطي ولو تعطي كثــيـرٍ تــشـوّت
________________________ ماهي تــكاثـر ماتمـده وتــعطيـه

وان جيت من غربــه بجسمي تــلوّت
_______________________ بجسمي تلوى مثل غالي وغاليـه

واللـــه لو روحـي تـــلاشـت وذوّت
________________________أني لهـا فيــمـا تريـده وتبــغيـه

ولبيــه لأمي كل ما أمـي اتــصـوّت
_______________________لبيه اكررها بمليون لبيه

وسلمتـــــــــــــــــــــــــــوا

للشاعــر المبدع :- علـــــــي الجـــــوزاء


تقبلوا مني كل التحايا أختكم ودمتم علي طاعه الله