[ســـــامي العتيبي]

هذي قصيدة لاحد الشعراء لكن والله ما اعرف اسمه
لكن المهم انها عاجبتني وبنقلها لكم


تبي الصراحة وش تبي بالصراحة
اكذب عليك لاقلت عايش بخيـــــــر

الحلم يكبر والصغر بالمساحـــــــة
وما للوفاء عند المعازيب تقــــدير

قلبي من ضلوعي تشيله جراحـــه
وش حيلة ابن ادم وجه المقاديــــر

لا (جيتني) صدري يزيد انشراحه
و (غيرك) بدنياي نقص ومخاسير

في ذمتي ما غيرك ارجي ارماحه
قول وش تبي واقول ابشر ويصير

من شاف بعيونك مساهـ وصباحـه
عز ((الله))انه مارجىْ شوفت الغير

ان قلت راحه ماورى الناس راحة
لكن انت وافي ومايجي منك تقصير

مير السعد بيديك اجبر جناحـــــه
السالفة ماعاد فيها معاذيــــــــــر

لاجابوا اسمي كلاً اطلق رماحــه
ما كنهم قبل امس عندي مساييـر

أبسط مثال لابغيت الصراحـــــــة
اقول طيب بس انا ماني بخيــــــر



ســــــــــــــــــــامي العتيبـي