[روضـة]

السلام عليكم ورحمة الله وبركاته


التقطت هالصور من اسبوعين تقريباً, فجأه وانا أتجول في الحديقه مع كاميرتي طبعاً ادورلي اقتناصه لمحت عشه على شيرة النبج
اتقربت اكثر فشفت حمامة بر يالسه على عشتها فقلت لازم اصورها فيبت الدري وركبت عليه وانا ارتجف من الخوف ترى اختكم تخاف من الأماكن المرتفعه حيييل
ثم تفاجأت بوجود الأم مع فرخين صغارقتوقعت انها تهرب لكن لا ماشاء الله عليها ماهربت تمت لأجل اطفالها ونظراتها كلها خوف وترقب
وكنت قريبه منها وايد اقل من نص متر وطحت فيهم تصوير لمدة ثلاثة أيام مرات ما تكون هي موجوده فكنت انتهز الفرصه واتقرب اكثرمن عيالها.
المحزن انه اليوم الثالث طاح مطرغزيرمع رياح شديده سرت أطمن عليهم فشفت ريش على الأرض والعشه فاضيه لا الأم ولاالفروخ موجودين اكيد
وقعوا على الأرض وكلاهم القط , ولين اليوم اسمع هديل الحمامه الحزين وهي واقفه على الشيره المسكينه انفجعت على اطفالها,وحزنت وايد عليهم.


على فكره هذا الطائر لايربى في الأسر هو طائر يحب الحريه غير عن باقي الحمام وهو خواف جداً ردي وإذا كنت تريد تربيته في قفص يباله على الأقل سنتين
عشان يتعود على المكان وما تضع معاه اي طائر آخر لأنه مابيتأقلم معاهم لازم يكون لوحده ولازم تهيأله جو شبيه بالطبيعه تحطله شجر وأغصان
يتخبأ بينهم ولا تتقرب منه حطله اكله واطلع على طول يعني لاتدخل عليه إلا للطعام فقط , إلا إذا ربيته وهو صغير بيتأقلم بسرعه وبيتعود عليك, والحين موسم التزاوج والتفريخ.


طولت عليكم أخليكم مع الصور





كلها حنان وأمومه









شوفو البراءه



هذا الفرخ الشرير حاولت أهبشه هجم علي ونقبني ارتبكت وكنت بطيح على راسي وعلى المستشفى عطول هذا الصغير يعرف يدافع عن نفسه .

كانت الصور تستحق المغامره

انتظر رايكم ونقدكم