[wjn]

السلام عليكم

مجموعة من الالغاز للكبار فقط وانتم كذلك


اللغز الأول :
ياويش بنتين لهن شان رفيع ............ياخفهن ياثقلهن يهــل العقول
يدخلن الا دمي حصن منيـع ............وللي بغاهن ماقفل دونه اقفول

اللغز الثاني :
ابي انشد اهل العرف وأهل البصائر ....عن شايب طايح علي الآرض مكتوف
أنا اشــــهد اني فيـــه يانــــاس حاير ......ميت وقام وكتـــف الحي وانا اشوف

اللغز الثالث :
انا اينشدك عن عذراء يعاشرها كثير الناس.. يعاشرها حريم وبه رجاجيل تعاشرها
صدوق ما تغشك عاريـــه مالبست بلبــاس ..وسبع مذهبه ماهيب تخجل لو تناظرها

اللغز الرابع :
أنا بنشدك عن سمراء تجيب من الخفايا أخبار... تشوف أخبارها في وجهها لو مانكلمها
تعلم بالعلوم الخافيــــــه وتبيــن الاســـــــرار ...لها فضــل كبيــرماحدينــكر مكارمــها

اللغز الخامس :
يارجال ياللي للمعــــــاني تعرفـــون .......ياويش ورع لازم امــــه تباريـــــــه
يشرب من امه وافهموه لاتضيعون........ وان ماشرب ما شفت جرة مواطيه


اللغز السادس :
ويش البنات اللي عددهن فقط خمس 0000 متشابهتن كـــــلهن بالأسامي
الأولة تطلع كما تطلــع الشمــــــس 0000والثانية كالنور تجــلى الظلامي
والثالثة تغني عن الشوف واللـمس 0000والرابعة تعشــــــق بليا غرامي
والخامسة تطمس ظحى الأوله طمس 000وش حلهن ياهل العقول الفهامي
*************

ورونا شطاااارتكم

؟؟؟؟؟؟؟؟