[يمامة الوادي]

مـرآية
في مره جدتي راحت قصر أفراح وكان القصر إزعاج شديد وقالت تبي تروح دورة المياه
وكان عند الدوره مرآية كبيرة وكانت تقول للمرآية ادخلي وأنا
بعدك تحسب انه هناك شخص ثاني

جـــــــــــ أبو رهف ــــــــــدة






المدرسة

في يوم من الأيام وكان قبل سبع سنين يعني في
الصف الثاني ابتدائي وكنت الله يكرمكم طالعه من الحمام وأنا ماشيه من بين الطالبات إلا كل وحده قاعدة تناظرني
وأنا والله مدري وش السالفة ماشيه بثقة المهم دخلت الفصل ونفس الشئ قاعدين
يناظروني وصديقتي تأشر لي طبعا أنا ما فهمت وش تقصد وكملت طريقي عشان اجلس
وبعدين أشرت لي مره ثانيه وكانت تقصد من إشارتها التفت وراي . ويوم التفت وراي
والله وأشوف مريولي ناشب على السروال بس الله لا يوريكم تفشلت فشيله ما عمري
ذقتها في حياتي والحمد لله انه كان فصل شتاء لأني لابسه سروال بجامه


من بنــات آدم






رز

يوم أنا والشباب خططنا لخرجه وتفقنا نروح نأخذ استراحة قبل ما نروح بيوم رحنا نشتري أشياء الرحلة
وأخذت جوال واحد من الشباب واتصلت على الوالده اسألها عن بعض الأشياء ولمن خلصت أعطيت الجوال
لصاحبه وكنا نبغى رز على بالنا طباخين بس لا تصدقوا المهم وما عرفنا أحسن نوع قلت أنا أمي تعرف
نوع ممتاز وأخذت جوال صاحبي اللي أخذته من أول وعلى طول اتصلت ما طالعت في الرقم عشان اتصلت
أول ولمن رفعت السماعة قلت (أمي حبيبتي ايش أحسن نوع قامت قالت يا ولدي قلت لك أول ولمن دققت في الصوت عرفت إنها أم صاحبي
قمت بسرعة أديت الجوال لصاحبي وقلت له خذ أمك وأنا انقلب وجهي بسرعة سار احمر على اصفر )
ولمن دريو الشباب بالموضوع قاموا ضحك في السوبر ماركت وما خلو احد الا قالو له والله لا يعيدها من لحظه

عبد الرحمن


شــماغ

مره كنت ابغى اصلح شماغي شفت سياره مضلله جيت عند القزاز وسرت
اصلح الشماغ وبعد ماخلصت وإذا قزاز السيارة ينفتح وتطل منه وحده حرمه وتقولي لي خلصت ولا عادك
يلي ما تستحي على وجهك

الفــــ جده ــــارس

خبصة الأختبارات
لما كنت باخر سنه ثانوى وكان السواق متأخر على
ومن زعلي على الوقت لانه ماراح يمدينى انام ولا اذاكر.. صرت كل شوى اطلع
اشوف اذا هو جاء ولا لا
اخر مره طلعت شفت السياره وفتحت الباب وحطيت الشنطه وركبتها بكل روااااق
انتظره يركب ما جاء احد..قعدت اطالع ورى السياره حوسه كذا؟؟ وش هالثوب المعفوس ومجدوع
قدام؟؟..طنشت الموضوع قلت يمكن احد من اخوانى ناسيه او شي
جيت برفع الشباك لانى ما احب الشبابيك تنزل الا انه عيا يـتسكر
..وكان في رجال موقف جنب الحارس ويطالعون فينى ..قهروونى..ما دريت الا الحارس قرب من الباب
..انا ارتعدت وش يبى هذا؟؟..قال لى يا بنتى السياره مو سيارتكم
انا دورونى معد تلقونى..نزلت ودخلت المدرسه ودقيتها صييييييييييحه ودمووووووع..ـ
ولا عاد صرت اطلع الا اذا سمعت اسمى .. ولا علمت احد من اهلى او حتى صديقاتى
ولا حتى اخت الرجال اللى كانت علاقتى فيها سطحيه لكن بعد الحادثه معد كلمتها
من الفشيله .. والحين من اشوفها تطقنى غمه وكتمه وضيقه صدر
نقااط.. ـ
السواق ما يجى الا معه احد اخوانى او الشغاله لكن من زين التفكير ماانتبهت ان محد معه
ان سيارته اقدم من سيارتنا والفرق واضح ورغم معرفتى بالسيارات الا انى منعميه.. ـ
لكن خبصة الأختبارات تسوى اكثر.. ـ


جمــــــانــة




كلية

مره من المرات نايم وعندي محاضره آخر محاضره إن لم احضرها
يعطيني الدكتور حرمان ومن كثر التفكير بلمحاضره صحيت وطلعت بسرعة ولا انتبهت إلى الوقت
فكرت إني متأخر داومت الكلية ما غسلت وجهي يوم وصلت لقيت أحد اخوياي سألت ما حضرت المحاضرة
قال الساعة 9.30 وكانت الساعه7.30 وأخبرته بما حصل فضحك

kemoo




أخوي

يوم من الأيام وأنا طالعه من المدرسة شفت سيارة اخوي رحت وركبتها وسلمت عليه بس ما رد طنشته
لأنها ما هي أول مره المهم قلت له شغل شريط ودي اسمع شي يسلي على ما انتظر رفيقتي تطلع مارد عل عاد
قفلت عندي وجلست ساكتة وفجأة تذكرت كتابي الكيمياء بالفصل وانزل و أروح أجيبه يوم رجعت
ما لقيت اخوي ولا السيارة وأدوره وألقاه في موقف ثاني وادخل السيارة ثم التفت ابي اقوله ليش هو ساكت انصدمت
وانربط لساني من المفاجأة طلع اخوي مهو اخوي طلع واحد سيارته تشبه سيارة اخوي
وانطلق واطلع من السيارة عقب ذاك الموقف تبت إني ما اطلع من المدرسة إلا لما اسمع اسمي ينادونه
ونصيحة بعد لكل بنت لا تدخل أي سيارة وإلا هي متأكدة إنها هي سيارتها وإلا بصيرلكم مثلي

عابرة سـبيل


عمتي

يوم م من الأيام جتنا عمتي وأنا نايمه وكانت هي وأهلي كلهم (يتقهوون) ويوم ما
قمت شفتهم متجمعين على القهوة وما أنتبهت لعمتي رحت غسلت وجهي ونطيت على
الأكل من غير ما أسلم عليها وعاد هي شايفتني بهالمنظر وتقوم تضحك والكل
يضحك عاد انا وقتها ودي افقد نص عمري ولا أوقف هالموقف

MmMm

نجوم الظهر
مره كنت رايحه البحر مع بنات خالتي الا ونشوف بنات يعرفون بنات
خالتي يعني وياهم بالمدرسه وقالولي والله ماتعرفنا عليك وايش اسمك وبأي
مدرسه انتي لمين قالولي ادرسك الابله الفلانيه قلت لهم اي والله قالو
ويش رايك فيها سمعنا إنها موشي قلت وأنا منفعلة اي والله هذي موريتنه نجوم الظهر
ولعينه بالحيل وما شفتهم إلا وهم يضحكون قلت ويش فيكم قالو هذي اختنا عاد
انا ذاك الوقت نسيت اسمي مره اقول لهم امل ومره منال

شــوق