[الأمل بالله]

السلام عليكم ورحة الله وبركاته
أخوتي هذه صديقتي وقريبتي في نفس الوقت تريد ان تضع مشكلتها وتريد الحل السريع لأن حالتها سيئة جدا وسأجعلها تكتب مشكلتها بنفسها حيث انها تريد ان تفضفض ما بداخلها من احزان مكبوته وستعرض عليكم مشكلتها بنفسها وسأتابع لها ردودكم وانقلها لها
حيث انه قد فارقها النومن سنتين مع رجائها انها لا تريد عتاب فما نالها في السنتين الماضيتين قد كفى حسابه منها
فلنبتعد عن العتاب فهي تريد حلا ووصفة تريحها اترككم معها حتى تكتب قصتها وترجو من الاستاذة هند حفظها الله الوقوف على مشكلتها وتوجيهها وجزاكم الله خير..اسمت نفسها أحزان من كثر حزنها طبعا اسم مستعار
السلام عليكم ورحمة الله وبركاته
بتكلم بالعامي معليش لأن لغتي العربية مو قد كدا سامحوني أول شي اشكركم وكثير ما تمدحلي اختي الأمل بالله هذا المنتدى الحلو لكن انا ما راح اطول عليكم أنا بنت الأن أعيش في حالة مأسوية زي أي بنت بتحب وتتدمر لأنه ما أختارت صح ..طبعا الحكاية كلها حرام في حرام عارفة بس أنا أحس اني مريضة بالحب المحرم وقصتي اني حبيت واحد طبعا بطريقة معاكسة عادية في السيارة وكان عمري في هداك الوقت 23 سنة واجهته ما استلطفته قلت لصاحبتي الا كانت معاية ما عجبني قالت سيبيه وقررت اسيبه طبعا كنت متزوجة عارفة الكل بيقول استغفر الله وانا عارفة انه غلط بس اسمعو السبب أنا تزوجت بداية عمري بشاب صغير كان عمره 22 وكان اخر العنقود وكنت مغصوبه علية وكان عمري أنا 19 سنة طبعا ما اتفقنا وزيادة على كدا كان يضربني في كل وقت وحين عنيف معاية بكل اشكال العنف
كانت حياتي الأسرية من قبل قاسية وأمي مرة جافية علية بتضربني من أنا طفلة ضرب موجع ما أنساة وتحرقني بأدوات حديدية تسخنا وتحرقي وأنا عمري ما تجاوز 3 سنوات من غي الأدوات الأحادة الأخرى ولا ترحمني حتى اني اصبحت بدوري جافة المشاعر من جهتها وهي زي كذا عمرها ما باستني ولا ضمتني لا هي ولا أبوية كل العيلة تشوف هدا الشي عيب ومالو داعي أبوية مشغول بأعماله وعقاراته وأمي بزياراتها وضربنا وانا بزيادة عشا انا الكبيرة وابوية ماله كلمة مو ضعيف بس ما يدخل يحس انه مو من تدخلاته هو يصرف وبس يعني حياتي من الطفولة تعبانة
نرجع لقصتي لما شفت ان هدا الزوج الأول صغير وما يفهم وكل حياته بس ضرف وعنف هربت لبيت أهلي وطلبت الطلاق وتطلقت .. لكن بديت في الم أكبر قاعد اواجه دحين كلام الناس والأهل وووضعي الاجتماعي حاولت اقوم بنفسي
لكن انحرفت وادمنت المعاكسات الهاتفية طبعا السبب ادور كلام حلو وهدا غلط انا عارفة بس ظروفي حدتني ما في احد يسمعني مافيه احد اخدني في حضنه طبطب عليه الا كانت كلها ضرب وسب وشتائم بيني وبين اهلي خصوصا امي وكانت اذا مسكتني ما تستر عليه تخبر ابوية بكل شي بدا التعب والشك فيه وهدا من حقهم عارفة بس ليه ما اخدوني في حضنهم المهم سائت الحالة وكنت اتمنى انه يجي اي احد واتزوجه طبعا ما كملت فترة بسيطة الا وجاني انسان مرة طيب بس أكبر مني 27 سنة وشبطت فيه وتخيلت حيات المسلسلات انه اي وحدة صغيرة حتعيش مغندرة ومدلعة وفعلا
عشت معاه زي بنته وماكذبكم لما كنا نطلع مع بعض كانو يقولو له عشان خاطر بنتك طبعا من غير المعاكسات الا تصير قدام عيومنة ويسكت لأنه كان يحبني بدرجة عمياء وانا بصراحة حبيته بس زي أبوية ولا اخفيكم حتى العشرة بيننا كان يكتفي بالكفاف فين وفين وكنت من جواتي حزينة كان عمري 22 وهو50 ومتعذبة لأني ظالمته واحيان اقول هو الا ظلمني ليه يوافق ياخذ وحد زي بنته وظلمني معاه كنت انا طمعانة بالفلوس والدلع والحرية بعد حياة اهلي الا كابتتني
وهوه مستفيد بشبابي وجمالي يعني فرصة كل واحد طمعان وهدي كلها امراض اجتماعية
المهم..
طلعلي هدا الانسان في حياتي فجأة زي ما قلنا معاكسة غلط ما عجبني طبعا بداية كل علاقة كدب ما قلتله اني متزوجة عشان ما يطمع فيه وعشت اني انسانه متغربة عن عمي وساكنة فترة دراسة مؤقتة في الرياض وانا اساس من سكان جدة مرت الأيام وحبيته وهوه كمان حبني وتعلقت فيه انا اكتر لأني حسيت معاه بكل المشاعر الا كنت ادوراها من ازواجي وأهلي يعني اندلقت عليه بكل مافيه من مشاعر مكبوتة وكل شي سويته معاة واصبح هو زوجي ومارست معاه
حياه طبيعية وانا متندمة ومتحسبة وتبت من كدا والحمدلله ومسكني زوجي المسكين كدا مرة وحزن كثير وستر عليةوهو من جواته مقهور بس يحبني ..انا كنت انكر دائما بس موجوده الدلائل والتسجيلات ضربني ومن حقة دخلت عشان حبي المزعوم المستشفيات بت برا البيت واصل كدا كله انه رفض يخرج معاية في اي مكان بعد الإحراجات الا تعرضها وتركني اخرج وحدي مرة مع السواق ومرة مع سيارات الأجرةوكنت افضل لأجرة بدل السواق لأني كنت اخاف من السواق يفتن عليه عشت انواع الإنحراف الا تتوقعوها لدرجة كنت حهرب لبرا البلد لا تستغربو وصلت لحالة زي كدا ما ابغى اهلي ما ابغى زوجي ولا اي احد ما ابغى الا هوه وهوه كانمتخوف من افكاري احيانا ويركدني يقول لا تتسرعي بس ما ابغى اعيش الا معاه في اي مكان لكن ماكان يبادلني نفس الحب الكبير المندفع الا اديه اياه وعشش حبه في قلبي وفي أخر شي خلاص وصلت معاية وقعت بين تعذيب الضمير الا جواتي الا مو تاركني ليل ونها وبين راحتي بقربي من حبيبي
عشت مع زوجي في الرياض 5 سنين وفي السنة الأخيرة كن افاتح زوجي دائما واسوي مشاكل عشان اطلق وكله من تعذيب ضميري اتجاهه وما ابغى اظلمة اكتر من كدا وكمان عشان ابعد عن هدا العشيق اللي بديت اشك فيه وفي حبه ليه وطلع مستهتر وكنت اقوله دائما ما ابغى الا انت ولا اتخيل نفسي مع احد تاني وكان يقولي انا ليكي طول العمر
المعم علرضت عليه الزواج وكان يأجل ويأجل بديت احس بانه فيه حكاية خيانة المشكلة اني حسمت أمري وهربت من المنطقة كلها وبعد ما اجبرت زوجي على طلاقي حتى اريحة وارتاح بديت ادور على الحياة النظيفة وتطلقت فعلا رجعت بدا يتغير عليه وهذي كانت من الاحتمالات الا حطيتها في نفسي وقال حبذل جهده انا نتزوج بدا امل يلوح في الأفق على قولتهم وأتفاجئ انه يقول انه أهله يرفضون يزوجونه برا عائلتهويقول هذي عاداتهم وتأكد من كذا وحدة وقالتلي صحيح وقلت حرام يمكن بس حبي له ما تغير وقعد نا نرسم احلام سوا وبيتنا وبعد الزواج وقال حتى لو ما رضيو أهلي حنتزوج بس بالسر انا قلت اهلي كمان انا ما يرضو وبعدها قالي خلي كل شي على الله انشالله يمكن يوم من الأيام اكلمك واقولك وين بيتكم ؟واديني رقم جوال ابوكي عشان أخطبك لكن كان كله في الهوا وانهرت لما حبيت اخرج من كذبته وواعدته يشوف نفسة اذا فيه زواج كملنا علاقتنا واذا ما فيه قطعنها بالمرة وأنا طبعا من جواتي اتقطع وانحرق
وجاني الجواب المدمر في الليل وقال ما اقدر اتزوجك وبعدها انصدمت وجف الدم في عروقي وانهرت وقلتله مافية زواج يعني مافيه علاقة وقفلت بعدها قعت فترة وانا متقطعة عليه يعني فجئة بعد ما كنت اقفل منه الا دقايق طوال 24 ساعة حتى في دوامة كنت احيانا اخلية يسوي شغله بس اقعد معاه على السماعة من كثر م أعشقه بس اسمع صوت نفسة وكلامة بعدها ربي هداني وقررت التوبة وكان وقت حج رحت وحجيت الحمدلله وكنت ادعي انه يرجع ونتزوج المشكلة مو في هذا كلة المشكلة انه رجعلي وانا ما قدرت اظبط نفسي معاة قسيت عليه وقلت مافيه زواج لا ترجع وانقطع فترة ومن سنتين وحالنا كذا مرة هو يرجع لي ومرة انا ارجعله وما قدرت انسى حبة وضعيفة قدامة والمشكلة هو عارف مكانته عندي وتزوج وعلى اساس نرجع لبعض بس ما رضيت بس بصراحة على كثر ما حبيته وكثر ما عذبني الا اني اتلذذ بحبة وارجعله وماراح يتزوجني يقول انا متزوج وانتي حتى لو تزوجتي نظل مع بعض على طول كمان انا عارفة بتقولو ما عندي كرامة حاولت ابعد عنة اخد ادوية اكتئاب بس ما نسيته رغم اني احسه احيانا طيب وحنون واحيانا يكون معجون بموية ابليس غامض ساكت يحب بس يسأل عني وعن أحوال ويضحك معاية نتباد كلام الحب ونهرج مع بعض بس جنني بغموضه

&&وخلاصةالمشكلة دحين..هيه
اناابغى حل يرجعلي كرامتي وأبغى الغيه من حياتي ومن ذاكرتي وأبغى اصمد في وجه حالات الحنين والشوق الا تجتاحني وأبغى امسحة بأستيكة زي ما يقول المثل اوجه لأهلي والدعاء الخالص يبقولي ويخليهم ليه ..ودحين أنا مخطوبة لأنسان طيب والحمدلله واهي شهدوله بكذا بس ابغى انسى هذاك وادخل مع زوجي هذا بحياه حلوة ونظيفة اش الحل ما نسيته وكل ما اقرب انساة يرجع بقوة خايفة اني بعد ما اتزوج ارجع احن له لأنه صار من فترة لفترة ومكتئبة من هذا الوضع وما قادرة انام منها وأبغى احب خطيبي هذا زي ما حبيته كيف ابدل حب بدل حب في قلبي وخطيبي هو الا يستاهل الحب الحقيقي.. اما هوه فحسبي الله ونعم الوكيل فيه ربي ينتقملي منه ظلمني بمجرد انه لما عرف اني متزوجة ما تركني ..ماراح اسامحة ليوم الدين
اسفة بتقولون هذي قصة حياتها تصلح رواية وياليت يقدر احد ينشرهاليه طريقة قصة حتى يعتبرو كل البنات وخصوصا المتزوجات انه ما يلعب براسها الشيطان مهما كانت من الظروف وتفرط في بيتها بسبب انسان ما يستاهل وحب وهمي
وانا جربت هدي الحالة وتكون عظة وعبرة للغير ترى ما يحب الإنسانة الا أهلها وزوجها الا جا من الباب وفي نور الشمس مو علاقات وحيات الخفافيش والله ياجماعة اني ندمانة بس مريضة انا بحب شخص ما وقف معاية بكل صراحة..وكنت احس طوال السنتين هادي الا جفت عيوني من الدمع فيها من كثر ما بكيت انه عقاب ليه بس رب العالمين كريم رزقني بانسان طيب انشالله وأوعدكم اخلصله بقيت حياتي بس ادعولي بالشفاء لأن كل انواع امراض العصبي معاية وزادت مضاعفتها بسببه فسنتين بس ما أقول الا حسبي الله ونعم الوكيل على كل مخرب يستغل قلوب المحتاجين للحنان ويخرب بيوتهم وبعدين يتركهم وأقولهم اتقو الله في نساء المسلمين ولما تعرف انه الوحدة متزوجة وحتى لو بنت اتركها في حالها لو لقيت منك صدود ماراح تكلمك لكن على العكس يحصل الاصدياد في الماء العكر
هذه قصتي أرشدوني وحللوها انها مشكله معقدة ..وانا منها منتهية قضة على كل حاجة حلوةفي حياتي
انتظر ردودكم مع الأمل بالله ويا ليت بأسرع وقت لأني محتاجة لدوا يريحني وينوم عيني آسفة على الإطالة ولخبطة القصة ..لكن ثقتي فيكم خلتني اكتب بكل حرية وأمان
أدعولي بأن يتم زواجي واتوفق فيه نفسي اعيش حياة سويةوأكون اسرة سعيدة
ادعولي أدعولي أدعولي ..ويصلح لي زوجي وأحبه ويحبني بإذن الله
وجزاكم الله خير ..أختكم أحزان..