[قصيميه]

بسم الله الرحمن الرحيم
الحمدلله والصلاة والسلام على اشرف الانبياء سيدنا محمد علية افضل الصلاة والتسليم ...
انا متردده كثير لكتابة مشكلتي ولاكن اسال ربي انه يسرلي واجد حل لمشكلة اوبلوتي لاني سميتها ابتلا وامتحان من ربي ..
المشكلة وما فيها "في شهر شعبان العام تم عقد قراني لشاب كنت مخطوبة له لمدة تسعه اشهر وقبلها كان فيه شاب ثاني يعرفني بس انا مابية ولا يعرف عني شي صادق لاني ما ابي استمر في العلاقه الي كانت اشبة بلعبة قذرة زينها الشيطان ولكن وقفت حد للولد وقلت له يا فلان انا بتزوج وما عاد ابيك تتصل فيني وفعلا فترة الخطبة كنت مخلصة النية للزوج المنتظر وبعد شهر من تركي للشاب الي ارمز لة × جاني اتصال غريب يطلب عبد العزيز وكان ملح مرة ومع العلم ان × ما يعرف رقمي ولا يعرف اسمي كل الي يعرفه عني كان وهمي وبعد ما قفلت الخط جاني مسج مفصل عني وين ساكنة وش اسمي وكل المعلومات ومن يومها بدت المشاكل طبعا انا ولا مرة اتصلت ولا مرة رديت ولا مرة رديت على مسجاته استمر يهددني في المسجات 3 اشهر ومع كذا كنت صاامدة ولا ارد ولا احد يعرف اخاف تكبر السالفه وتم عقدي وانقطع × ولا صار يرسل ولا يتصل حمدة الله على كذا , وبعد رمضان كان زواجي واستمر زواجي 3 اشهر بس وكان السبب رجعت × للاتصال وارسال المسجات الكثيرة وفيها تهديد طبعا زوجي ما قراء ولا مسج بس انا اعترفت له ب× وخلني عند اهلي على اساس انة يتحقق من الموضوع وبعد شهر و25 يوم جتني ورقة الطلاق وبعدها انا علمت اهلي بكل شي واستدعو × للمباحث وتم اجراء رسمي معروف الي هو كتابة تعهد بعدم التعرض كان معاه ولي امرة وبعد مدة 7 اشهر جاني اتصال جديد وطبعا انا غيرت رقمي عشان اتنهي من كوابيس المسجات المزعجة وبعد الاتصال رجع سيل المسجات ينهمل وكنت في حيرة ياربي مين ؟ زوجي ؟ ولا × ؟ وكل تفكيري كان بمحلة وهذي المرة على طول علمت اهلي وخليتهم يطلعون على المسجات والاتصالات وتم التتبع للرقم ووجدنا ان المسجات من جها زمجهول الهوية والرقم يتم تحويلة الا رقم باسم زوجي !!!! وقتها الافكار تضاربت عندي الرقم الغريب يتبع برج ورقم زوجي المحول عليه في مكان ثاني وبرج ثاني !!!غريبة
وبعد كذا مرة شهر وكم اسبوع وجانا شهر الخير وكل العالم تهني بقدوم الشهر الفضيل وفي اخر الليل جاني مسج من × برقمة القديم على رقمي الجديد يهنيني بشهر الفضيل !!!
انا جاني احباط واليوم في تاريح 5 \9 ارسل مسج صريح يطلب معرفت احوالي ؟؟
احلف بالله رب العرش العظيم في هذي الساعه المباركة اني مخلصة النية لزوجي وربي ما مشيت في سو .. ومن جيت لبيت اهلي للا ساعتكم وانا مالي بالغلط وربي على ما اقول شهيد
الي اطلبة منكم رايكم وااقتراحكم وساامحوني وربي من مافيني ادور الشور والنصح "