[اوصاف2010]

السلام عليكم و رحمة الله و بركاته

..


يا راحتي لو وزَّعتها على كل خلق الله كفتهم .. !! \ هذا السبب .. !!


^
^
^
^
^

ما ضرَّني الزمان بـ شي ..
ولا أحـد يقدر يضرَّنـي , دام روحـي عَلَت عند رب البريَّة ..

ضاقت صدور كثيرة , و تألمت أرواح ..

تمنيتي يا أختي تلقين أحـد يفهمك , يحس فيك ..
يفهم شعورك و اللي بقلبك بدون لا تحكين .. !!
دوَّرتي مالقيتي .. !!

إنتِ مالقيتي .. بس أنا لقيت .. !!

..

تأمَّلت في السماء و الأرض , قوَّيت علاقتي بـ خالقها ..

كنت و أنا صغيرة ألوم نفـسي لا سهيت بالدنيا و نسيته .. !!
كان لي عادة ..(( أذكر ربـي )) , و (( أجعل لي وقت لله ))..

كبرت , و كبر حبي له ..
ما أقولها تزييف ..

..

أحب الشعر و القصايد بس بـ نفس الوقت أكرهها ..
تدرون متـى .. !! .. لا خلت من ذكره .. !!
سبحانه و تعالى ..

..

أحب القصايد اللي تحكي عنه و عن جلاله و عظمته
أحس بـ إرتياح لا كتبت عنه و ذكرته سبحانه

أحب اللي تهديلي قصايد عن رب العالمين ..
قصايد تذكره و تسبِّحه .. ( أحس بإرتياح و الله )..

خليت حياتي سهلة , بسيطة , عاديِّة .. !!
بلا أي تَكَلُّف ..
خليت تفكيري بما بعد الحياة الدنيا ..
خليت تفكيري بـ ..(( الجنة ))..

لـ درجة صرت أحب أسمع طاري الآخرة و الحساب و الوقوف أمام الله
أحس بـ شوق .. !! و الله يا بنات أحس بـ شوق و سعادة .. !!

صدق الخوف لابد منه , بس و الله أحبه و أتمنى أشوفه ..
مادري ليه .. !! , لا سمعت هـ الطاري يحن قلبي و تتسارع نبضاته ..

فعلاً موقف مهيب .. !! , بس أحب ربي , و أتمنى أشوفه .. !!
هل على هذا من لوم .. !!

و الله الراحة اللي غمرتني , مو أنا سببها ..
و لا أنا اللي عطيت نفسي إياها , و لا هو بـ فضل أحد من خلق الله ..
لا .. !!
هذا من فضل ربـي , لأن تفكيري ما صار في حد واحـد .. !!
ما صار في شي واحـد , لا .. !! .. رحت بعـــــــــيد ..
بعيد بعيد بعيد .. !!

قلبت حياتي فوق تحت , غيَّرت تفكيري , ربَّيت نفسي بـ نفسي ..
و القرآن علَّمنـي , و حب الله أحياني ..

و مع هذا و الله و قسماً بـ الله صارت روحـي أحسن من أول .. !!
صار تفكيري مريــح , و الله يا بنات لا صار لي مشكلة .. عادي .. !!

أقول في نفسي : هذه هي الحياة الدنيا , أنا أملي هناك .. في الجنة ..
الدنيا ما باخذ منها شي , و لا بستفيد منها شي ..

لو أسكن في خيمة , و الله ما همني , دام جنتي في صدري ..
و رب العالمين معـي ..

حطيت في بالي , إن الله فوقي , و يشوفنـي , و ينظر إلى قلبي ..
و يعلم ما يخفيه صدري ..

صرت أقـول لـ نفسي : يا خـلود ربِّك قادر على كل شي ..

أناظر للسما و أقول بـ كل يقين :
..(( مثل ما خلق ربي هـ السما قادر يخلق لي الفرح و الحب
و السعادة و الإنشراح ))..

أناظر للبحر و أقول بـ كل يقين :
..(( مثل ما خلق ربي هـ البحر و أخفى الدرر فيه
قادر يطهِّر قلبي و يرزقه ما هو أغلى من الدرر و الجواهر " حب الله " ))..

صارت نظرتي حلوة , لأن الله حلاَّها ..
يتبع