[فجر اليوم]

المشاركة الأصلية كتبت بواسطة الدكتور فهد بن سعود العصيمي مشاركتك هذه......... ممكن أعرف اعتمدت على إصدار الحكم بها على المعبرين، وعلى توع الرؤى والأحلام وأن أغلبها من الأضغاث، على ماذا؟ هل أجريت دراسة مسحية؟ هل ترين أنك قادرة على إصدار الأحكام؟ فضلا أرجو الرد يا بنتي الفاضلة مشكورة.

مرحبا دكتور انا اسفه اذا ان ردي هذا يضايقك ولاشي

ومااصدرت حكم انا ولاشي انا اتكلم عن تجربتي مع احلامي وتجربه صديقاتي وقريباتي

مع الاحلام

وفعلا خاصه الزواج هذا تفكير كل بنت وخوفها من تاخيره يخليها تهوجس وتفكر لدرجه انها تحلم والرائي ابخص بنفسه وش يفكر فيه قبل ينام والمفسر احيانا يفسر ولا يفرق بين حديث النفس والرؤيا صراحه اقصد اذا كثرت رؤياها بالزواج ويمكن من ضمن احلامها رؤيا مبشره


وخاصه اللي تفكر بشخص واللي تبني احلام ورديه وتفسر احلامها اغلبها تبشرها بانه بيصير من نصيبها والبنت تتعلق بالحلم وبعدها تجي الصدمه ان الشخص اللي تبيه تزوج ! والله لدرجه انها من الصدمه تدخل المستشفى وين كيف واحلامي وتفسيرها وووو

وش دليله هذا على انه صار حديث نفس واحيانا تتزوج غيره واحيانا يصير تناقض بالرؤى مثلا مفسر يفسر لها بانه من نصيبها والثاني يقول لا مو من نصيبك لانه حديث نفس كثير بنات تعلقوا بالاحلام اللي اساسا تفكير وبعدها جتهم صدمه المفروض مانتعلق مره ومو القصد نستهين بالعلم هذا لا بالعكس لكن توصل لدرجه انها اي شي تشوفه بالمنام تفسره مو كل اللي نشوفه بالحلم رؤيا !!

انا شخصيا كنت محجوزة لقريبي كانت تجيني احلام تبشرني بانه من نصيبي كنت اتجاهلها لاني ادري اقول يمكن من كثر تفكيري ماودي اتعلق فيها وانصدم بعدين الا رؤيا سبحان الله مادري حسيت انها رؤيا صادقه فسرها مفسر اني بتزوجه لكن قلت خليني افسرها مره ثانيه وفسرها مفسر ثقه لي على انه مو نصيبي وراح يتزوج وراح يرزقه الله بذريه وسبحان بعد الحلم شلته من بالي وبعد فتره جاني خبر زواجه واللحين له عيال لان كانت بينا مشاكل عائليه ماكتب الله نتزوج والحمدلله
ومره حلمت وفسرلي المفسر تفسير حلو بعد مافسره قلت له انه قبل الحلم كان فيه خطوبه وصار كذا وقلت له السالفه قال اجل حديث نفس وانا ادري وشاكه و مشغله نفسي ومفكره كثير والله دايم كذا بديت خلاص مااكتب الا الحلم اللي احس انه رؤيا اما اللي اشغل نفسي فيه احاول ماطلب تفسيره

ووفيه بعد شي ان البنت اذا عرفت رمز انه يفسر بالزواج تفكر فيه وتتمنى انها تحلم في هالرمز طيب بعدها تحلم نفس الليله اللي فكرت فيها

ولا هو نقص بالمفسر انه مايعرف يفسر ولايفرق لا بس المفسر مايدري بعد وش يدرو براس الرأئي ولا يدري وش يفكر فيه والتفسير ظن يصيب ويخطيء ومو كل الناس تتحقق احلامهم بعد والمفسر على مافتح الله عليه وماشاء الله بعد اللي يفرق بين حديث النفس والرؤيا مفسر ممتاز والله يوفق الجميع


وانا قلت ان فيه رؤيا صادقه مبشره لها لكن احيانا تطول علينا ماتحقق فيه اسباب يمكن ذنوب مرض روحي حكمه من رب العالمين وهذا ماقريته طبعا مو علم مني وانت بنفسك دكتور اعلم مني بالعلم هذا وتعرف انه الرؤى تنقسم لاقسام
والزواج الكل بيتزوج ان شاء الله ماهي على رؤيا توقف


واكرر انا تكلمت عن تجربتي وتجربه غيري

وجزاكم الله خير ونفع بكم
وشكرا دكتور وان شاء الله اني ماتعديت حدودي بردي