[جروح الوقت]

السلام عليكم ورحمة الله

اولا اشكرك ياشيخ كل الشكر على هذا المجهود الملحوظ

وجزاك الف خير

انا ياشيخ عندي الوالده تعبانه .. اخذتها لشيخ يقرا عليها وقال ان العين فيها قويه وواضحه بالمره

ماذكر من اللي عاينها بالضبط لكن قال .. من ناس قراب يدخلون بيتكم

وهي على فكره مداومه على اذكار الصباح والمساء وفوقها الرقيه الشرعيه

لكنها بين اوقات واوقات اذا تضايقت او زعلت .. تتعب ودايم تحس بخمول وكثرة تثاؤب

او احيان تجيها حالات اغماء واكتشفنا ان فيها مس غير العين

واكثر من مره تجيها هالحاله ..

بعدها بكم يوم حلمت الوالده انها بمجلس حريم وكانت جنبها وساده .. رفعتها وطلع من تحتها عنكبوت اسود وعقرب اسود

تقول ابعدوا عنها لكنها ظلت خايفه

وبمره من كثر ماكنت افكر بهالموضوع حلمت فيها وهي توجه لي الكلام " تبين امك تنسحر مره ثانيه "؟

مدري وش كانت تقصد بس الله يعافيك فسر لي هالحلمين

وارجع اقولك ياشيخ جزاك الله خير حالتي يرثى لها وانا اشوف الوالده بهالشكل

وبظل خايفه من الجاي وماني عارفه وش الحل

جزاك الله خير ساعدني