[روح القمر]

صـبـاحكم ،، مسااءكم وردد ..

بآآآختصاااار أعجبتني وحبيت أنزلها لكم ,, وأتمنى تعجبكم ..



تقووول القصيده //




لا تستغرب إذا أنا رحت أدور عند غيرك
قلب وإحساس ومشاعر صرت فاقدها معك

لا تحاسبني وحاسب نفسك وحكم ضميرك
لو أحصلها معك ماني مدور .. إلا بأتبعك

كنت أقول : الحب يومنه رماني في مسيرك
نفسه اللي فيك ضيعني وفيني ضيعك

والقليل اللي أحسه منك يغني عن كثيرك
صرت ماأحسه كأني لو أجوعك ماأشبعك

قلت : أثيرك كيف مدري المهم إني أثيرك
قمت أسوي كل مايرضيك حتى أقنعك

والبلا مانلت ياخي منك فييك أو هجيرك
موقعك مهما أسوي معك نفسه موقعك

غامض إحساس وبليد من أولك حتى أخيرك
ماتحسسني بوجودي ما كأني مطمعك

صرت أشك أصلا" بأني كنت في لحظه عشيرك
ومثل هذا الشك مابه شك والله يمنعه

ضقت حتى مابقالي غير أجيك وأستشيرك
كيف تبغاني أسولف فيك وأشوفك وأسمعك

حس فيني شوي تكفى شوفني كيف أستجيرك
حاول إنك تثبت إني ساكنن بين أضلعك

عطني من بعض ماأعطيك تلقاني أسيرك
خلني أقصى طموحك وأنت أشر بإصبعك

آه لو أقدر أعيرك بعض أحاسيسي لا أعيرك
والله إن ينزف نزيف الدم لأجلي مدمعك

يمكن إنك لو تعيش الجرح تعرف قدر طيرك
تعرف اللي على كثر وجعاتك مايفكر يوجعك

لأجل ذلك ماقدر أجاملك وأستحمل نكيرك
وفوق هذا ماأسمح لنفسي أخونك وأخدعك

بأتركك وإن كنت بأبقى رغم فرقانا ضريرك
وأنت خل إهمالك لقلبي وخياناتك تنفعك

ناوي أرحل وأنت ماقصرت بي مكثور خيرك
وأدع بالتوفيق لي مادمت جاي أودعك


... وسلامت قلووووبكم ...