[سديم.]

السلام عليكم ورحمة الله وبركاته

هذه احدى قصائدي اللتي كتبت بقساوة الغربه والحنين الى الوطن والشوق للأحباب

في وقت ليس بالبعيد

اتمنى ان تحوز على شيئ من اعجابكم

*******
في غفلة الوحده وانا ملتهي فيك
دق العتب صدري ولانيب يمه

يحدني اشره على كثر ما اغليك
وايحدني ازعل واجيب المطمه


اقسم بمن خلى الحلى وصف ماريك
الخالق اللي صورك في متمه

اني احبك حيل واغليك واغليك
وانك سلى الخاطر وتجــلاة همه

كلي ثمن قربك الا قلت شاريك
وان ما كفى حد الثمن قلي واتمه

من كثر ما احبك ومن كثر ما ابيك
قهواني بعدك سم واشربت سمه

وانا على عهدي بالوفا في حراويك
دام الوفا في ارقاب الاجواد ذمه

ان غبت كن الروح تتبع خطاويك
وغيرك ولو هو غاب والله ما اهمه

والمشكله لي قلب دايم يحاتيك
رغم البعد رغم الجفا رغم همه

غصبن علي في كل حال يبريك
هذا جنون او حب بالله سمه

دخيل عينك يافديتك ولبيك
تذكره بيتن تحتن مهمه

لاصرت في وحده وانا ملتهي فيك
نادى العتب شوقي وينساق لمه

ايحدني اشره على قد ما اغليك
وايحدني ازعل واجيب المطمه

حقوق سديم

تحياتي