[ضاعت أحلامي]

بسم الله الرحمن الرحيم

السلام عليكم ورحمة الله وبركاته





اللـي تركـني وانا في عـز غربالي
بعد الـــشدايد وش اللي ذكّره فـيني؟

يـبغى زمانه يـعـود ويرجـع الغالي
وشلون يرجع بعد ما طاح من عيني !!

لا الوقت وقـته ولا له شي في بالي
أنــا نـسيـته مــثل مـا كـان نـاسـيني

يا ما تمنيت نـظره منه في حــالي
يــا مــا تــمنـيت صــوتــه لـو يناديني

واقول لـ"أظلم"عليّ الليل بلحـالي:
الله يـجـيــبه يـشــتت غــربـة ســـنيني

من كـثر ما كان طيفه دايم قبالي
أحــيان أحــسه مـعـي وتـضـمه يـديني

ولامن تـنـبهـت لـين وجـيه عــذالي
كلٍ على ما طــرى بــاله يســــمـــيني

لـــيته تركني بعد هـذا على فالي
زي ما تركـتـه بـعـد قـــتـله بســاتيني

من بعد ما صار جا بلسانه الحالي
يبـغى يرجِّـع زمـــــــــانٍ بـيـنه وبـيني

قولوا له:إني ما احبه كثر ترحالي
أو..لا..حــرام يـتضــايق والا يـبكــيني

قولوا له: إني أحـبه بـس من تالي
إن راح والا رجــع ما عـــــاد يــعـنيني



فهد المساعد