[المتئمله]

السلام عليكم ورحمة الله وبركاته

اتــركم مع الابيات الاكثر من رائعه

الزمن صلب , وانت انسـان حسّـاس

لازم انـك تغيّـر مـن صفاتـك

لو جبرك الزمـن .. لاتحنـي الـراس

غيـر لله .. اذا كنـت بصلاتـك

ولاهـو ايّـة يديـن تمـد , تنـبـاس

( عن عدا والديك) اكـرم شفاتـك

ولو يقولون مفلس , قـول الافـلاس

: لاخسرت الكرامـه فـي حياتـك

بالامـل تقـدر انـك تهـزم الـيـاس

اغتنـم كـل فرصـه دام جاتـك

دوس روس المصاعـب قبـل تنـداس

واسلك الدرب الاصعب في جهاتك

لا يميّـل غصونـك كــل نسـنـاس

خلك اقـوى بعزمـك , وبثباتـك

ولاتعامـل بطيبـك كــل الاجـنـاس

حسب الاشخص خـل معاملاتـك

وان حكت في ظهرك( قلوب الانجاس)

ابتسم .. واعطهـم مـن سيئاتـك

لاتمـر البشـر مــرور الانـفـاس

حط بصمه قبـل لحظـة مماتـك

كن ذهب .. لاغـدوا قدامـك نحـاس

كن لهب .. لاغزا البرد امنياتـك

ولا تضايق وتزعل .. قـول : لابـاس

لاخسرت ايّ حاجه فـي حياتـك

خون حزنك , و همّك .. الا الاحساس

لاتخونـه , تخونـك ذكريـاتـك

مايروح الفرح , لـو راحـوا النـاس

انت من تصنع الفرحـه لـذاتـك

لشاعر محمد الوسمي

.....................................

جعل قلب مـا مـلاه الصـدق نـور


.......................عند وجه اريح.. مـا يلقـى مـزاري


التغاضـي عجـز لا طـال القصـور


.......................ليه أداري؟.. و انت عني منت داري؟؟


الزمـان قصيـر .. والدنيـا تــدور


.......................كل يوم يضيـق فـي عينـي مـداري


صاحبي محتاج لـك شعـر و شعـور


.......................و إحتياجي شي.. ما كـان إختيـاري


من متى و الغصـن يختـار الطيـور


.......................من متى و البـال يختـار الطـواري؟


لا تسمي صمتـي البـارح .. غـرور


.......................إنكساري خلف هالصمـت امتـواري


في غياب الشمس وش ذنـب الزهـور

.......................و المطر لا شح وش ذنب الصحـاري؟

اللقـا لحظـات و الغيـبـه شـهـور


.......................تقصر الخطوات و يطـول انتظـاري


لو قريـت المنكتـب بيـن السطـور


.......................ما كتبـت لغلطـة العمـر اعتـذاري


صمت هالمينا.. مثل صمـت القبـور


.......................ما رسى مركب.. ولا لاحت صواري

لشاعر متعب التركي

.................................................. ........................






انشــــاء اعجبتكم



لكم اجمــــل تحيه