[اقحوان]

ما تعرفيني لكن المآسي تقرب الناس لبعضها خصوصا إذا كانت مآسيهم اتشابه ... قبلك عانيت ومن ليلة زواجي بدال لا أقضي شهر العسل مثل مايقولون في البلد اللي حجزنا له قضيته في المستشفى مشلوله بالكامل مافيني شي يتحرك إلا دموعي ... كل يوم وليلة كنت في صراع مع الجن وماكنت اشكي لاني كنت أخاف اللي اشكيله يشوف اللي أشوفه ... كنت لما أحمل يزيد وزني فوق الأربعين كيلو وكانوا الأطبا يهددوني انهم يحجزوني في المستشفى يحسبون اني طايحه بالأكل مع اني ماكنت اكل الا اللي يخليني اقدر اتنفس وكم مره كان ينزل الجنين متفحم "" حسبي الله ونعم الوكيل ""
كنت لما أقول "" لا إله إلا أنت سبحانك إني كنت من الظالمين "" كنت احس بنسمة هوا بارده تلفح وجهي ومدري ليش أبتسم .. و تأكدت إن ربي معاي
لما في ليلة و أقسم إني كنت صاحيه مو نايمه وقلت لوحده من خواتي وما صدقتني وقالت اني كنت أحلم وبعدها كتمت هالشي لنفسي ...
شفت واحد معاي في الحجره ومن خوفي ما رفعت عيني إلا لنص جسمه من تحت .. قطع ورقه من دفتري وكتب فيها وطواها وشوي عفسها ومشي جنبي وحذفها علي ولما رفعت نظري له شفته يشبه أخوي لكن كان في عيونه نظره بين الغضب والعتب وكمل دربه وما تبعته ولا شفت وين راح .. ولما فتحت الورقه لقيته كاتب فيها (( أمن يجيب المضطر إذا دعاه ويكشف السوء ويجعلكم خلفاء الأرض اإله مع الله قليلا ما تذكرون )) .....
وبس بديت أرددها حسيت ان شي بداخلي يتقطع من كثر الألم حتى قمت أتشهد وما اذكر بعدها وش صار لان زوجي تكفل بالباقي
فهمت من نظرة اللي كتب لي هالآيه ان علاجنا قريب منا وهين وحنا غافلين عنه .. وعلى كثر ما كان يجيني بلا كلما قريت هالآيه لكن كنت أتحدى نفسي وكل العوار اللي احس فيه واقراها كل ما حسيت بضيقه ... مع استمراري على ترديد دعاء "" لا إله إلا أنت سبحانك إني كنت من الظالمين ))
قلت لك قصتي عشان تعرفين انك مو الوحيده اللي تعانين وكلنا نحس بمعاناتك وبدعاءنا لبعض بظهر الغيب بإذن الله بندحر كيد الشيطان واللي عمل لنا السحر
اسأل الله العظيم رب العرش العظيم أن يشفيك ويشفيني ويشفي كل مريض ومعيون ومسحور
الحمد لله الحين انا فطريقي للشفاء التام
عسى الله يتمم عليك ويجزاك الجنه على صبرك