[الأمـــــل]

السلام عليكم ورحمة الله وبركاته

صباحكم عسل مساءكم قشطه شخباركم يابنت

اليوم جايبه لكم موضوع وابي منكم التفاعل وش تشوفون فيه الصح ام الخطأ

قبل يومين حضرت مناسبه زواج قمه في الروعه افكار جنان

التنظيم والاتكيت لا يعلى عليه لكن فيه فكرتين بالزواج

تجادلت انا وبعض البنات فيها انا اقول يمكن تكون فيها شبه

والبنت تقول لا هي تشوفها افكار عاديه,, فقلت اباخذ رتيكم وش تشوفون فيها

ابي تفاعلكم مع الموضوع

الفكره الاول اللي عملوها قاموا اهل العروسه بأطفاء جميع انوار القاعه

فطلعت بنت صغيره معها مصباح كأنها تبحث عن شيء فوجدت مثل البراد

ففركته عليه بيدها فطلع لها المارد يقول (شبيك لبيك خادمك بين يديك)

(اكيد تذكرون علي بابا وتعرفون القصه هذي ) المهم هي طلبت منه انها

تصير عروسه وصارت عروسه وحقق لها طلبها,,,

الفكره الثانيه( العصى السحريه) يغلقون باب القاعه قبل ماتدخل عليهم العروسه

وتكون بنت صغيره جالسه تبكي عند الباب فتجي يمها عجوز وتعطيها

(العصى السحريه) اللي تحقق لها كل ماتبي بمجرد ماتهز بالعصى

فأخذت البنت العصى وطلبت منها تفتح الباب فنفتح الباب ودخلت العروسه,,

والان ابي رائكم هل تعتقدون انها من الخرافات التي لايحق لنا ان نصدق مثلها

ولا هي مجر افكار عاديه لا اكثر ولا اقل,,,