[دراقة 30]

والله يابنات انه عن تجربه مني وما بي منكم غير دعوة صادقة ان ربي يرزقني الزوج الصالح ويسترني بالدنيا والاخرة
ما راح اطول عليكم بقولكم قصتي واسمعوها
يوم وانا جالسة على شات المجد فاتحه هالعوينات ولا وحدة تجيب خلطة للتقصف زيت نارجيل مع صبار وما تلقيني غير وانا طامرة على هالحوش وجايبه هالصباره وكاشطتها على طول وحطيتها على النار هي وزيت النارجيل الاخضر وتركتها حول 10 دقايق الين صارت زيت وبعدين خليته الى ثاني يوم يبرد وحطة على الشعر
المهم ياحلوين قبل ما احط الزيت على شعري قمت افرفر بهالمنتديات قلت ابي خلطة احطها عقب الزيت والقى هالخلطة يسموها خلطة هاجريه
اش صلحت انا قمت اخذت الزيت اللي انا سويته وعجنت فيه هالخلطة وربي يابنات من بعد يمكن ثلاث اسابيع او اقل تقريبا وانا اطالع في المرايه القى نبتلي شعر في مقدمه راسي انا شعري ناعم بس متقصف ودايما شوشة والله بعد هالخلطة هجد شعري ونبتلي شعر وخف التساقط بنسبه 90 % اول شعري متساقط حيل لكن الحين مااشوف غير شعره او ثنتين واحيانا مافيه تساقط والطول ( الحمد لله انا شعري يطول عادي )وكمان احس انه بدا يطول اكثر
خذو الخلطه واكرر ما بي منكم غير الدعاااااااااااااااء وبس

الخلطة هي

تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
ا فنجان شاهي زيت الخلطة ( نارجيل مع صبار )
ربع فنجان زيت كيشور
ربع فنجان زيت همتاج
كميه من الماء

الطريقة
جيبي البصل والثوم وحطيهم في الماء وانتي حددي كمية الماء اللي تناسب شعرك وخلي البصل والثوم يغلي في الماء لين يصير لون الماء اصفر وخليه يبرد بعدها صفي الماء من الثوم والبصل في هالاثناء تاخذين السدر وتخلطيه بالزيت وبعد ما يبرد الماء تاخذين مقدار كاس واحد وتخلطين معاها ملعقه خميرة فوريه وبعدن تخلطينه مع السدر واذا نقصت المويه زيديه من مويه البصل الباقيه

تخلينها نص ساعة وبعدين حطيها على شعرك لمدة خمس ساعات وبعدين بس شطف زيتي شعرك بنفس الزيوت اللي في الخلطة وخليه ساعتين وبعدين اغسليه باي شامبو عندك وبعدها حطي اي بلسم او ماسك عندك وكرريها ثلاث مرات في الاسبوع
والله انا فقدت عليها حتى شعري سود وصارفيه لمعه والحين انا قصيته عشان ابي شعري الجديد يتساوى مع بقيه شعري

اكرر ابي منكم دعوه صادقه من القلب
اي استفسار انا حاضره على فكره اذا تبون تنقلونه عادي بس لاتنسون اسمي