[@معاند الجرح@]

اعزائي بعد غيبه كدت افقد فيها حياتي وانا خارج البلاد اعود الى ارض الوطن وانا كلي شوق ولهفه الى ترابه الطاهر . اخوتي الاعزاء لقد اشتقت الى هذا الصرح الشامخ واحب اشارك بهذه القصيده والتي لها مناسبه خاصه جدا ولعل صاحبي المقصود يدخل ولو بمحض الصدفه ويقراها!!! ارجو ان تنال على اعجاب الجميع ...

امشي على دربي وانا اقول ياحييف = واترك حثاله بالهروج تهجيني
اعرف قدر نفسي ولاني ترى ضعيف = اثمن اقوالي وهرجي سميني
ماهمني مزنتك يابارق الصيف = لا صرت ماتروي عجاج السنيني
الله على حظي وبعض التصاريف = كانت على شرواك دوم تحديني
غير المصالح من مودتك ماشيف = وهذ هو اللي زود البل طيني
قلت احتشم عن صحبتك بالمشاريف = حيثك ضعيف تموت قاصر يميني
والا انا من عادتي اكرم الضيف = من ساس ناس ن بالمواجب تعيني
الطيب طبعي ماخذيته تكاليف = واسمى المراجل كلها في يديني
لجل الخوي دايم حياتي مجازيف =ماهمني لو رحت لجله سجيني
والا ترى خوتك يابارق الصيف = ماهي براس المال لو ا تهجيني
هاذي بيوت الشعر جاتك مواليف = مضمونها عفتك لو انك تبيني