[فنـــــــــــار]

السلام عليكم ورحمة الله وبركاته


أولاً أوضح إني طوووول عمري وانا غير مؤمنة بحقيقة تفسير الأحلام

وأعتبرها كذب وإحتيال ..

وأن تعبير الرؤى علم أعطاه الله ليوسف عليه السلام ,, و ندرة نااادرة جداً

من بعض الصالحين بعده ... فقـــــــط ..

ولا أصدق بأن هناك خاصة في هذا الزمن من يستطيع أن يعبر الرؤى بشكل

صحيح ابداً .. خاصة مع كثرة المدعين لمعرفة هذا العلم في هذا الزمن ..


ثانياً : أنا مازلت على هذا الإعتقاد لكن مع الإيمان بأن هناك من أعطي هذا العلم فعلاً ..

خاصة بعد رؤيا وضعتها هنا من إسبوع تقريباً ,, وعبرها الأخ أبو البراء الحربي جزاه الله خير ..

و وقعت كما قال ....

الرؤيا هي :

إني رايت اني أجلس عند باب غرفة إخواني وطلع من الغرفة أخوي من ابوي

واسمه رامي وهو غير ساكن معنا بنفس البيت ,, وطلع بعده ولد أختي واسمه

سلمان ,, وقلت انا سلمان عندنا ..

جاء سلمان وسلم على راسي مرتين وهو مبتسم ,, حاولت منعه لكم هو أصر ...

.....

ففسرها الأخ أبو البراء الحربي كما يلي :

ماشاء الله ..

إن صدقت الرؤيا والله اعلم ,, فهي دليل على أنك مصابة بالعين ,, وهذه بشارة لكِ

بالسلامة ممن رماك بالعين ,, ومبروك لك البشارة بالشفاء ..

وعليك الإستمرار على الرقية وعدم ترك الأذكار ..

........

بصراحة انا فرحت بالتفسير لكن ماكنت مصدقة ابد يعني قلت معقولة راح أشفى

طبعاً أنا كنت فعلاً مصابة بعين من خمس سنوات جاني على إثرها سكر ...

لكن سبحاااااااااااان الله ..

صحيح أني لم اشفى من السكر ,, لكن هذا مو معناه إن التفسير كان خاطئ لالالا

الرؤيا يأخوان كانت على شي ثاني :

يعني انا بعد هذ الرؤيا رحت زيارة عند وحدة قريبة لي ,, المهم كان عندها قرايب لها

جايين من بعيد ,, المهم أنا سلمت عليهم ورحت جلست عند أخوها لأنه مسوي حادث وأنا

أصلاً جاييه زيارة له هو ,, وجاء جلس معنا أبوي و طبعاً أبوي مو محرم لهم عشان كذا هم

جلسوا برا المجلس ,, وكنت قااعدة أسولف معه و بما إنهم ما يشوفوني ,, لكن يسمعون

صوتي ( ترى والله مو عالي لكن هم جالسين عند الباب ) ..

المهم ركزوا على الصوت ,, رحت بعدها البيت و فجاءة ودون سابق إنذار يطلع في للساني

جرح عمييق وينتشر في بقية الأجزاء ,, وكان مؤؤؤلم جداً جداً ,, رحت بعدها المستشفى

قلت هذى اكيد فطريات أو بكتريا ,, المهم ويقول لي الدكتور لالالالا هذى لا فطريات ولابكتريا

وأنا أجل إش تطلع ,, تلكك الدكتور شوي ومايدري وش يقول

لكن قال هذا شيء عاادي مكن يصيب كل الناس وبعد 7 أيام تروح,, قلت له طيب إش السبب ...؟؟

قال بكل بروووود : بدون سبب !!!!!!!!

يااااااااااه كل هالألم وبدون سبب ؟؟!!

وكلت أمري لله وقلت خلاص بدون سبب بدون سبب مالها داعي الوسوسة الزايدة ..

وأعطاني دواء ..

مر يومين وثلاث بدون أي تحسن بالعكس الألم يزيد بالبداية ماكنت اقدر أكل وبعد

مدة صرت ما أتكلم ... والجرح يكبر ..

قلت مو معقووووووول كل هذا أمر عاادي ,, جاء اخوي " أخوي طبيب " قال : بصراحة

هذا مؤشر خطير خاصة إنك عندك سكر ,, و4 أيام لا أكل ولا كلام ..لو كان بيروح بعد 7 ايام

كان على الأقل تحسن شوي ..!!

وأنا هنا أخااااف قلت يارب : لا يكون غرغرينا أعووووووذ بالله ..

قال أخوي : لالا بس

يالله نروح المشتشقى ونأخذ إستشارة دكتور ثاني ,, قلت : لالالا ما له داعي

سبع ايام وأشفى ,, قال : لا مرت 4 ايام بلا تحسن هذا خطييييير جداً

" والله العظيم كنت اكلم اخوي كتابة ما اقدر اتكلم "

المهم رحنا : و جلس اخوي يشرح الحالة للطبيبة نيابة عني ,, جلست تفحص

وتروح وترجع تشوف مرة ثانية ,, المهم قالت : لالالا ما أدري بصراحة إش السبب

بس هذا لافطر ولا بكتريا ..

واعطتني دواء وقالت إستخدمية ونشوف بعدين ..

مرت يومين والألم يزيد ,, وفجاءة سبحان الله يدق التلفون ,, وتطلع قريبتي الللي كنت في

زيارة عندهم قبل ايام ,, وقالت لأختي ,, بصراحة أنا سمعت إن فنار اللي هو أنا طبعاً

تعبانة ,, وانا ابغى أقولك إن قرايبيني اللي عندي بعد ماراحت إختك جلسوا

يتكلمون فيها ويقولون ياحظها بصوتها جنان ,, وأنا لما عرفت بحال اختك جبت لكم موية

غسلت فيها فناجيلهم ,, والله اللي بأختك عين منهم وإبراء للذمة

قلت لكم ,, المهم وأخوي يروح لهم ويجيب الموية ,, وأنا أغسل فمي منها مرتين

والله العظيم بنفس اليوم تحسنت بشكل كبيييير وأتكلمت واليوم الثاني راحت كل الأوجاع

أكلت زي الناس والحمد لله ...

والآن مافيه إلا أثر بسييط للجرح وهو في تحسن والحمد لله من قبل وبعد ..
.........

وعلى طول تذكرت كلام الأخ أبو البراء جزاه الله خير ,, ونفع بعلمه ,,

وأنا اشهد الآن أنه معبر أصلي ...