[الأمل بالله]

a7
السلام عليكم ورحمة الله وبركاته..
انا اكتبلكم باسم صاحبتي الا هي جنبي الآن وتنقلني الكلام..معليش حكون سريعة وبالعامي لأن الوضع ما يسمح ابدا للتنميق العبارات وانا اشرتها لكن مافي فايدة وحكيتها عنكم وعن انكم توقفون مع اي احد عنده مشكله وتساعدونه وبعد الله تعالى فهي تبغى تستشيركم بموضوع ..حساس ومصيري وراح اشرحلكم وضعها وهي تسمع الآن مني
هي فتاه شابة عمرها لأن 30 سنة قدر الله لها ان تتزوج مرتين وانفصلت لأنه ما حصل نصيب وهي الآن ساكنه ببيت اهلها في جدة وعانت من حياتها كثيرا سواء من زواجها لأول والثاني لأنها ما حبت ولا ارتاحت للإثنين والنصيب بعد ما ساعد والحمدلله ما عندها اطفال . وزوجها الأول كان شاب صغير مرة بالسن وكان طائش جدا واتعبها كثيرا وكانت هي ايضا صغيرة جداو.لكن زوجها الثاني كان اكبر منها ب22 سنة وبعد طلاقها منهم قررت انها ما تتزوج الا واحد يكون على الأقل قريب من سنها او اكبر منها بالكثير 6 سنين ويكون بدون زوجة مو مهم مطلق او الرمل ما فكرت اهم شي يكون قريب من سنها ويفهمها وكانت تحلم وتحلم خلال هذي السنة طبعا ...مالها الا سنة من طلاقها حتى الان على قولت المثل الشعبي ((وضربتين بالراس توجع))
لكن شاء النصيب والان متقدملها شخص لكن اكبر منها 20 سنة ومتزوج واهلها الان يصرون عليها وبعد ما صلت استخاره وشافته ما ارتاح قلبها والرجل الشهادة لله مايعيبه شي الا انه اكبر منها ومتزوج وباقي امورة كويسة طبعا هي مالها الا الظاهر وينتظر ردها بعد يومين وحبيت تسرعون بالاشارة علينا خايفة تفوته.. وخايفة تتزوجة وتظلمه لأنه مو مقتنعة فيه بس الأرواح جنود مجنده ما تآلف منها اعترف وما تناكر منها اختلف وتقول حتى لو تزوجته بتقعد تلوم نفسها هي ليه وافقت وتزوجته حاولت تتظاهر انها تبغاه بس دون فائدة تبغى ترتاح ولأن المسألة عمر مو يوم او يومين واهلها يبغونها تتزوج عشان مصلحتها لكن الأهل شايلين فكرت العواطف مرة اهم شي عندهم البنت تتزوج ويصيرلها بيت وعيال ..لاغين تماما فكرت العواطف والمشاعر والحب وهي بصراحو تبغى واحد يحبها ويفهمها .وتعيش بقية حياتها معاه مرتاحة ومقتنعة فيه مو ما خذته كذا زوج وهي ماشالله عليها حلوة وجميلة يعني ممكن يجيها غيره مو عشان صاحبتي والله امدحها هذا راي الناس ولأقارب فيها يعني انشالله باقيلها فرص ثانية غيره وبنفس الوقت ما اوعدها لأني ما ادري عن النصيب لكن برضه ما اخذت مشورتي ابغاكم انتوا تشوروها وكل واحد يقول رأيه بأمانة وكأن الموقف له هوه لأنه مصير ومستقبل .والنهايه نبغى المشورة باسرع وقت تكفون ساعدو اختكم ..لأن الرد بعد يومين
وتحياااتي لكم..اختكم ..الحائرة