[أيها الأمل أبقى]

السلام عليكم ورحمة الله وبركاته

a7


اتشرف بزيارة هذا القسم من موقعنا الفريد ...وأقدم أسفي قبل رؤيا لتـأخير في الكتابة بهذا القسم والدعاء للمعبرين..

الرؤيا الأولى فسرت عند المعبر الفاضل محمد زينو وهذه قبل وفاة الملك فهد رحمة الله

صراحة الرؤيا طويلة وكتبتها له باللغة العامية ونسختها كما هي..

رأيت أمس كأني ساكنين بمكة المكرمة وسمعت الناس في الخارج أصواتهم عاليه للكن ما ادري وش يقولون ، وخرجت للشارع وهذا الشارع مغطى بهنقر يعني في ظل وجت جدتي أم أبويه وهي حيه ولبسه عباتها وتقول ما تدرون وش صار قلت لا
قالت افتحي التلفزيون وفتحته ولكن كانت الصوره زي تصوير السبعينات يعني أول ما جاء الملون وشوي اشوف الملك فهد كأنه زار مصر ولما نزل مع الطياره المصرين يهتفون له ويحيونه ومعه الرئيس حقهم بس مو مبارك واحد اسمه يحي وعليه كرفته صفراء وبدله سوداء ومدري تهيأ لي رئسهم وبعدين هم فرحانين به

الملك يمشي بسرعه ومعه عصا بس خطواته مره سريعه وكأني فرحانه لما شفته تعافى

واطلع الشارع هذا الا فيه الناس وكأن الفرحة ما شارك فيها ألا السعوديين وفيه

وحده أظن مصريه ومتحجبه هي وزوجها قالت رحي انتي منهم وانا وجدتي وامي

وعلى فكره جدتي على قيد الحياة ، والناس لما هم فرحانين اتجه سيرهم يمين

وفضي الطريق لي انا وجدتي وانا ماسكه بيدها وشوي اشوف حرمه ورجال

صحفيين والمره متستره ومعهم كاميرات وانا ويصورون وانا اقول الحمد لله متستره

كل شيء فيني والفلاش قوي

واتجهت المره على طول وأمي لحقتها


وبعدين مشيت انا يمن الشارع واوصل لبلكونه تشرف على الحرم وابعد بنت صغيره

عشان اطالع وكان تحت البلكونه محلات وشفت الحرم من برى وأنواره مسكره بس

فيه عند أبوابه نور خفيف زي الفانوس زمان للحراس وانا اطالع ومستغربه قلت سكروا الحرم زي زمان

بالليل بس انا فرحانه اقول كأني شفت الحرم أيام زمان بدون نورالكهرباء

واتفرج وانا سعيدة وعيني على الأبواب حقت الحرم


هذا تفسر المعبر محمد زينو

رؤياك عامة وهي رؤيا خير لكل الناس إن شاء الله ففيها مايدل على استتباب الأمن في السعودية وزيادة الخير وتحسن الإقتصاد بشكل كبير .
وأيضا مشاركة الناس في اتخاذ القرارت . وايضا ثبات النساء على الحجاب .

الشااااااهد في التفسير انه من الناحية الاقتصادية

فقد وصل مؤشر الاسهم السعودية لأعلى مستوى في النقاط ... ولله الحمد الأمن استتب من ناحية الفئة الضالة

الرؤيا الثانية عند المعبر جزاه الله الفردوس محمد كلاس

وهي أني وأهلي نتقل لبيت أخر ويتغير ألون جداره..... هذه اهم رموز الرؤيا

في الشات الكتابي عبر لي المعبر الفاضل محمد كلاس بأن والدي سيتغير شيء بعمله أو راتبه قريب من ذلك أو سرتفع او يترقى ... بعدها بخمسة أيام تحقق التفسير من جهة والدي.... صدر المرسوم الملكي بزيادة رواتب موظفي الدولة ....

اخيرا ادعوا لبقية المعبرين المبدعين ولا انسى الدكتور فهد فجميع احلامي تحققه معه ...حتى المرض

والشفاء ماشاء الله تبارك الله


تم التعديل أضافت كلمة النسخ وزيادة بعض الحروف وشكرا لكم.......

a2