[اورنجينا]

بسم الله الرحمن الرحيم
السلام عليكم ورحمة الله وبركاته


كيفكم جميعااا الله يوفقكم ابغى تفسير للموضوع الي صار لي
قبل فتره حطيت حلم باخت زوجي وكان يتكرر تقريبا 3 مرات المهم الحلم اشوفها تضربني بالخيزرانات وابوها يتفرج ويضحك ولا يمنع بنته بس كن اقوم من الحلم وانا منتصره عليهم
انا العلاقه الي بيني وبينها من بدايه زواجي مشاكل بعكس اخواتها الثانياات وابو زوجي دحين بيني وبينه مشكله كبيره تقريبا من سنتين وفسرته لي الاخت مااويه الله يوفقها يارب كالأتي

ما شا الله ...............تبارك الله ................لا قوة الا بالله
لا اله الا الله الحق المبين
خيرا" رأيت .................خيرا" ان شا الله ..............خيرا" تلقينة وشرا"تتوقينة
ان صدقت رؤيتك والله اعلم , هي تدل على حالك مع اهل زوجك يالحبيبة فهذا يدل على ظلمهم لك , والله اعلم انة زيادة اجر لك من الله وهم وحزن عليهم وهم والله اعلم يعرفون انهم يظلمونك (الضرب بالخيزران )وابشري اخية الضرب عموما" خير ينالة امضروب على يد الضارب وبما انها خيزران فهي تدل على من كانت بيدة في والله اعلم لا تتورع عن الظلم وهي تعرف كما قلت لكي مسبقا" وكذلك الاب هو الان يعيش لحظات ندم لكن والله اعلم انة اخذتة العزة بالاثم (من فرحة بعد راة تضربك ), ابشري برفعة والقدر والمكانة فانت الكسبانة اولا" واخيرا" وان شا الله ربي العظيم لن يضيع لك اجر ولا يضيع صبرك كلة في ميزان حسناتك وبركة في بيتك واولادك , وفقك الله لكل خير وصلاح في الدنيا والاخرة .

المهم بعد ماتفسر الحلم بفتره تقريبا شهر وتجيني اخت زوجي الصغيره شوي و تبكي تقولي ان اختي فلانه الي انا زعلانه معها تبي منك السماح وتبي تطلع لك وتتسااامح معك
انا خفت في البداايه صرااحه وكان زوجي مو فيه المهم دقيت على زوجي قلت له قال استقبليها احنا مانبي المشااكل قلت طيب
يانااااس يوم دخلللللللللت علي الحررررررررمه متغيره 360 درجه كانها قطعه قمااش سوداء سبحاان الله وتسلم علي وتبكي بكاااااء قطع قلبي وكانت راح تبوس ايدي من كثر ماهي تبغااني اساامحها وتقولي انها مريضه وانها تستعمل الرقيا وتروح للاطباء وتبغى مني السمااح
ولما سامحتها وقلت لها خلااص ماصااار شي واحنا اخوات ومهما صار نبقى اخوات
اتغير شكلهااا ولونها سبحاان الله
المهم الحين هي تحترمني مرره وتتصل علي كل يوم تتطمن علي وعلى اخوها وعلى عيااله

طبعا انا حلمت هالمره حلم نفس الاول وكان البطل فيه ابو زوجي هو الي متولي ضرررربي هالمرررره ومعاااه خيزرانات طوويله ويضرب فيني وام زوجي تحاول تمنعه بس ماقدرت وقمت انا اخذت من يده العصاا وضربته لكن هو جاب وحده ثانيه وضربني ضررب شفت اثارها بجسمي وكنت اوري امي واخواتي بالحلم اقولهم شوفو ايش سوا فيني بس ترى انا ماقصرت ضربته وقامو يدعون عليه
وقمت من النوم وانا تبعاانه من كثر المضاربه معاااه
يعني هالمره هو لوحده هي ماهي معاااه


طوولت عليكم بس الموضوع اشغلني تكفوون الي عنده فكره ولا شي يقوولي
انا لما قمت قلت يمكن راح يجي يطلب السماااح مني زي بنته
لانه والله ظالمني ظلم بس الله يجاازيه وكم مرره احاول الصلح معه واقول رجال كبير بس راافض وطااالب عشاان يرضى انه يتم الطلاق بيني وبين زوجي
هااا ايش راايكم الله يسعدكم