[saudi queen]

تضيق نفسي لين يشره على قلبي فِمِي

وأنا أترجا فـ منيات الحلول المُزمَعه




لا يـ ابن أبوي شلون مـ أحترّ وأطغي وأحتمي

والوقت لامِنَّه زما راس حضِّي يقمَعه

إن جيتها فـ الاصدقاء أوووف ياوفرة دمي

كم واحدٍ خلَّى جميلي على راسِه إشمعه

ماني بـ متحسِّف جِعل مال جافيني سِمي

لأن أدري المِحراب ماهو بـ مثل الصومعه

تتغثبر الدنيا ولحظة صفو الأدمي

إليا سجد لله وسقت دموعه مدمعه

وأنا أدمعت عيني وما اكميه عاده منكمي

بين أنتظام عروق قلبي مسوي مَعمَعه

ياوجد حالي وإنكساري وغيبي وعدِمي

وجود من جمَّع حلاله وضاع اللي أجمعه

المشكله ماهي بـ نفسي وزلاَّت إقدِمي

وماهي بـ بحَّة صوت أحبَّه ولاعادأسمعه

المشكله لاجات من بين دمِّي ولحمي



مدري من أخلي ولا أدري من اوقف معه

:.:.:.:.:.:.:.:.:.:.:.:.:.:.:.:.:.:.:.:.:.:.:.:













قصيده رائعه لأفلاطون الشعر



سعد بن علوش



راقت لإحساسي كثيراً



دُمتم بخير



Queen